به‌ڕێوه‌به‌رایه‌تی گشتی كه‌شناسی‌و بومه‌له‌رزه‌زانی هه‌رێم پێشبینیده‌كات، له‌دوو ڕۆژی داهاتوودا خۆڵبارین ڕوو له‌هه‌رێم بكات‌و پله‌كانی گه‌رماش به‌رز ببنه‌وه‌.

به‌گوێره‌ی ڕاگه‌یه‌ندراوێكی به‌ڕێوه‌به‌رایه‌تی گشتی كه‌شناسی‌و بومه‌له‌رزه‌زانی هه‌رێم‌، له‌ئه‌نجامی كاریگه‌ری نزمه‌ پاڵه‌په‌ستۆی گه‌رمی وه‌رزی ساڵانه‌ له‌سه‌ر هه‌رێمی كوردستان، پێشبینیده‌كرێت له‌(48) كاتژمێری داهاتوودا، ئاسمانی هه‌رێم ساماڵ بێت‌و هه‌ندێكجار په‌ڵه‌هه‌وری جیاجیا هه‌بێت، له‌گه‌ڵ تۆزێكی سوك.

خێرایی با (10-20) كیلۆمه‌تر ده‌بێت له‌كاتژمێرێكدا، مه‌ودای بینینیش نۆ كیلۆمه‌تر ده‌بێت‌و پله‌كانی گه‌رماش به‌رز ده‌بنه‌وه‌.