سەركردەی بەرەی نوسرە باس لەوەدەكات ئامانجیان ڕوخاندنی دەسەڵاتی بەشار ئەسەد و كۆنتڕۆڵكردنی دیمەشقە و بەم نزیكانەش ئەو ئامانجەیان دێتەدی.

ئەبو محەمەد جەولانی، سەركردەی بەرەی نوسەرە لە چاوپێكەوتنێكدا لەگەڵ كەناڵی جزیرە، ڕایگەیاندوە، سەرەكیترین ئامانجی گروپەكەیان كۆنتڕۆڵ كردنی دیمەشقی پایتەختی سوریا و كۆتاییهێنانە بە دەسەڵاتی بەشار ئەسەد.

وتیشی: زۆر دڵنیایە لەوەی بەم نزیكانە حكومەتی سوریا كۆتایی پێدێت.

سەركردەی بەرەی نوسرە كە لەو چاوپێكەوتنەدا  باسی لەوەشكردووە: عەلەویەكان كافرن و لە ئایینی خودا هەڵگەڕاونەتەوە.

بەرەی نوسرە یەكێكە لە گروپە ئیسلامیە توندڕەوەكانی سەر بە قاعیدە، كە ڕووبەرێكی فراوانی خاكی سوریای بەدەستەوەیە و لە ماوەی ڕابردوودا هاوشێوەی داعش چەندین جار بووەتە ئامانجی گورزە ئاسمانیەكانی هاوپەیمانان.