04/05/2015
•
نوسەر: bzavpress
•
مەسعود بارزانی یاسای سندوقی کوردستان بۆ داھاتە نەوتی و گازیەکان پەسەند کرد
ئەمڕۆ پەرلەمانی کوردستان رایگەیاند، سەرۆکی ھەرێم یاسای سندوقی کوردستان بۆ داھاتە نەوتی و گازییەکانی پەسەند کرد.
ئامانج لە دەرکردنی یاساکە کە لە ١٦ ماددە پێکھاتووە، بریتییە لە بە دامەزراوەییکردنی کەرتی نەوت و گاز، بەشێوەیەک کە داھاتەکانی نەوت بە باشی کۆبکرێتەوە و بنەمای شەفافیەتی تێدا پیادە بکرێت بۆ گەشەدان بە ئابووری ھەرێمی کوردستان.
جێی ئاماژەکردنە یاساکە ١نیسانی رابردوو لەلایەن پەرلەمانی کوردستانەوە دەرکراو سەرۆکی ھەرێمیش رۆژی ٣٠ی ھەمان مانگ یاساکەی پەسەندی کرد.