سه‌رۆكی‌ فراكسیۆنی‌ كۆمه‌ڵی‌ ئیسلامی‌  و یه‌كگرتووی‌ ئیسلامی‌ له‌ ئه‌نجومه‌نی‌ نوێنه‌رانی‌ عێراق له‌به‌ر بوونی‌ مه‌شروب میوانداریه‌كی‌ له‌تیف ڕه‌شید به‌جێ‌ ده‌هێڵن.
ڕۆژی‌ یه‌ك شه‌مه‌ 3-5-2015  د.له‌تیف ڕه‌شید به‌نیازی‌ ئێواره‌ خوانێك فراكسیۆنه‌كانە كوردییه‌كانی‌ په‌رله‌مانی‌ عێراق بانگهێشت ده‌كات بۆ  ماڵه‌كه‌ی‌ خۆی .
له‌و ئێواره‌ خوانییه‌دا زۆربه‌ی‌ ئه‌ندام په‌رله‌مانه‌ كورده‌كانی‌ ئه‌نجومه‌نی‌ نوێنه‌ران بانگهێشت ده‌كرێن بۆ ئه‌و میوانییه‌ كە زۆرینه‌یان له‌ فراكسیۆنی‌ (یه‌كێتی‌، گۆڕان ، پارتی‌) بوون، به‌لاَم له‌ فراكسیۆنه‌كانی‌ یه‌كگرتوو و كۆمه‌ڵی‌ ئیسلامی‌ ته‌نها ( ئه‌حمه‌د حاجی‌ ڕه‌شید و د.موسه‌نا ئه‌مین) سه‌رۆكی‌ ئه‌و دوو فراكسیۆنه‌ ئیسلامییه‌ میوان بوون.
بەپێی زانیاریەكان له‌ میواندارییه‌كه‌دا بەهۆی بونی مه‌شروب له‌سه‌ر سفره‌ی‌ خوانه‌كه‌ سه‌رۆكی‌ فراكسیۆنی‌ كۆمه‌ڵ و یه‌كگرتوو ژووری‌ میواندارییه‌كه‌ به‌جێ‌ ده‌هێڵن.
 هه‌رچه‌نده‌ د.لەتیف ڕه‌شید داوایان لێدەكات بمێننەوە بەڵام ئەوان ده‌ڵێن ده‌بێت ئه‌و مه‌شروبانه‌ لابرێت و ئه‌ویش ڕه‌تی‌ ده‌كاته‌وه‌ و ده‌ڵێت ئازادن ده‌توانن نه‌ی‌خۆن، ئه‌وانیش ده‌ڵێن "چۆن ئازادین نه‌یخۆین ،ئازادیشین میواندارییه‌كه‌ به‌جێ‌ بهێڵین" ، بۆیە بۆ میواندارییه‌كه‌ به‌جێ‌ ده‌هێڵن و په‌رله‌مانتاره‌كانی‌ تر له‌میواندارییه‌كه‌ ده‌مێننه‌وه‌.