وەزارەتی بەرگری ئەمریکا رایگەیاند: بەهۆی ئەو بارودۆخەی کە عێراق لە ئێستادا تێیکەوتوە، ناکرێت فڕۆکەی سەربازی جۆى (ئێف 16) بەو وڵاتە بدرێت.

 لەوبارەیەوە  ئەلیسا سمیس، وتەبێژی پنتاگۆن، لە كۆنگرەیەكی رۆژنامەوانیداراتگەیاند ، ئەگەرى پێدانى فڕۆکەى جەنگى بە عێراق و وتى: بۆ پێدانی ئەو فڕۆكانە پێویستە باردۆخەكە بەباشی رون بێت، هەماهەنگی تەواو لەگەڵ حكومەت بكرێت لەچۆنیەتی پاراستن و هێنان و گواستنەوەیان. 

وتیشی: "ئەو فڕۆكانەى کە دەدرێنە عێراق لەجۆری (ئێف 16)ن و  هێشتا لەبنكەی سەربازی فۆرت ورت كاری بەرهەمهێنانیان بۆ دەكرێت و فڕۆكەوانەكانی ئەو وڵاتەش مەشقی تایبەت وەردەگرن".

بەپێی رێككەوتنی نێوان هەردولا عێراق (18) فڕۆكەی (ئێف 16) بە نرخی نۆ ملیار و سەد ملیۆن دۆلار لە ئەمریكا دەکڕێت و بڕیاربو لە ساڵی (2012)دا فڕۆكەكان رادەستی بەغدا بكرێن، بەڵام ئەمەریكا تائێستا دوایخستوە.