بەشی دووەم

لە بەشی ڕابوردا هێڵە گشتیەکانمان لە سیستەمی ئیسلامیدا دەستنیشان کردو ووێنەمان کێشا..
لەم بەشەدا دوو میحوەری گرنگ باس دەکەم یەکەم رۆڵی خەڵکی دوور لە دین و عەلمانی لەناو سیستەمی ئیسلامیدا، میحورەی دووەم ئێمەی ئیسلامی لەسایەی دیموکراسی ڕۆژئاوادا..

لە کاتێکدا کە باس لە ئیسلام دەکەین بنەڕەت و مەرجعمان قورئانو سوننەتە، کە هاردووکیان لەرووی مەیدانیەوە لە ژیانی پێغەمبەردا بەرجەستە دەبێت – صلی اللە علیە وسلم- کەواتە سەرەتا لە پەیامبەرەکەمانەوە دەست پێدەکەین.. پاشان دەچینە ناو مێژووی موسڵمانان بە گشتی،ئێستا پرسیار ئەوەیە ئایا دەشێت و گونجاوە لە سیستەمی ئیسلامیدا بێجگە موسڵمان کەسی دیکە جێگای ببێتەوە، وەك هاوڵاتی موسڵمان تەماشا بکرێت، جیاوازی لە نێواندا نەبێت؟، کە لەڕاستیدا بیری عەلمانیو تەنانەت هەندێك لە موسڵمانی رووگە رۆژئاوا لەم بازنەیەدا دەخولێنەوە ، موسڵمانەکە گێژ بووە ئەوەندە خولاوەتەوە و نازانێت چی بکاتو چی بڵێت، عەلمانیەکەش وەك تەزبێحی دەستی هەڵیدەسوڕێنێت بۆ خۆبادانی عەلمانیەتی.. وەڵامێکی گونجاو لە راگەیاندنەکانەوە نەدراوتەوە سەبارەت بەم باسە..

کەواتە وەڵامی پرسیارەکە دەستە بەر دەکەین بە پشتوانی خوای پەروەردگار..
سەرەتا ئەم سەردەمەی ئێستامان لە کام سەردەمی مێژووی دەچێت تا باتوانین لە قۆناغەکانی ئیسلامی و موسڵماناندا بیگونجێنین ..؟

سەردەمی ئێستا ژیانی موسڵمانان و بەتایبەتیش کوردستان لەسەردەمی سەرەتای دوو ساڵی مەدینەی دەچێت .. کە پێغەمبەر– صلی اللە علیە وسلم- چووە ناوی دەسەڵاتەوە، دەسەڵاتەکەیەی دیاری کراوبوو، چونکە تەنها خۆی نەبوو لەو مەملەکەتو ووڵاتەدا ، بەڵکو چەند کۆمەڵ گروپێکی تێدا بوو ، هەموو وەك یەك تەماشا دەکران و لەسەر بنەمای هاونیشتیمان مامەڵەیان لەگەڵ یەکتر دەکرد، دەستور نوسرایەوە..
بەم پێیە ، سیستەمی ئیسلامی بنەڕەتی دەگرێتەوە بۆ نوسینەوەی دەستور کۆکردنەوەی هەموو حیزب و لاینەکان لە ژێر چەتری هاوڵاتی بووندا نەك ئیسلامدا ، چونکە ئیسلام تەنها بۆ موسڵمانانە، هەروەك پێغەمبەری خوا– صلی اللە علیە وسلم- کردی ئەم گروپانەی لە ژێر چەتری هاووڵاتی بوونی مەدینە کۆکردوە، (هەموو سیرەکان واتا ژیانامەی پێغەمبەر– صلی اللە علیە وسلم- ئەو دەستورەی تێدایە وەك سەرچاوە ئاماژەی پێدەکەم، دەرفەت کەمە بۆ نوسینەەی لێرەدا)..

هاوڵاتیەکانی شاری مەدینە .. بریتی بوون لە:
یەکەم : موسڵمانانی کۆچکردو واتا لە مەککەو بۆ مەدیینە(موهاجیرەکان)
دووەم: موسڵمانانی پشتیوان لە دوو هۆزی شاری مەدینە ئەوس و خەزرەج (ئەنصارەکان)
سێیەم: هاوبەشدانەرەکانی مەدینە (موشرکەکان) لە ئەوس و خەزرەج
چوارەم: جولەکەکانی شاری مەدینە لە هۆزەکانی ( قینوقاع، نەزیر، قوریزە )
پێنجەم: عەرەبە بێباوەڕەکانی چواردەوری مەدینە(ئەعرابەکان)
ئەگەر تەماشای ئەم گروپ و هۆزانە بکەیت وەك ئایدۆلۆژیاو بیروباوەڕی جیاواز .. ئیسلام هات دانی بە بوونی هەمویاندا ناو وەك هاوڵاتی مامەڵەی لەگەڵدا کردن ئەگەر چی موسڵمانیش نەبوون..

کەواتە بەم پێوەری ئاماژەم پێکرد لە دەستوری شاری مەدینە ؛ لەم سەردەمەدا سیستەمی ئیسلامی دەبێت دان بنێت بە هەموو حیزبە عەلمانیەکانو بە دەسەڵاتو کیانیان و تەنانەت بێباوەڕەکانیش، چونکە ئیسلام لە رووی فیکریەوە کێشەی و دوژمانیەتی نیە لەگەڵیاندا ، بەڵکو بانگەوازی خۆیدەکات، ئەوەی وەریگرت سەربەستە پێچەوانەکەشی هەر ئازادە، چونکە دین بەزۆر بەسەر کەسی دیکەدا نادرێت..
لێرەدا لەوانیە هەندێك بۆ خۆبادان ئەو پرسیارەبکەن .. بڵێن خۆ جولەکان و موشریکەکان دەربەدەر و بەزۆر موسڵمان کران ، لەوەڵامدا دەڵێم : جولەکە لەسەر بیروباوەڕی هەرگیز لە ئیسلامدا وەدەرنەنراوە نە لە مێژووی ئیسلامی.. یاخود مێژووی نەیارەکانی ئیسلامیش ناتوانن ئەم قسەیە بکەن ، بەڵکو لەسەر خیانەت موئامەرو لەناوبردنی موسڵمانان جەنگیان لەگەڵداکراوە لە مێژوویشدا دیارە.

موشریەکانیش لە دوای جەنگی بەدر خۆیان مونفیقیان هەڵبژارد وبە مونافیقی ماونەتەوە، تەنانە خوای گەورە لە قورئاندا مافی هەمویانی دەستنیشان کردوە، زاناو ئەحبارەکانیشیان بەرێزەوە هەر بەزاناو ئەحبار ناوبراوە لە قورئاندا، لە ئیسلامدا کوفر کردنیش لە لایەن ئەو کۆمەڵانەوە ڕێگە پێدراو بوو مافی خۆیان بووە کوفر بکەن لە چوارچیوەی ئاینەکەی خۆیاندا، واتا، نەك فیکریان ئازاد بووە ، بەڵکو کوفر کردنیش ئازاد بووە، بۆنمونە ئەوان پێیان وابووە عوزێر کوڕی خوایە، ئیسلام راست نیە، پاشان محمدیان بە پێغەمبەر نەزانیوە، لەگەڵ زۆری تر لە نەیاریان بۆ ئیسلام کەچی ئیسلام ڕێگەی تەواوەتی داو هیچ کێشەیەکی نەبوە لە سەر بیروباوەڕیان ..

کەواتە بەم پاوپێوەندە عەلمانیو بێباوەڕ لە ئێستادا لە دەستوری ئیسلامیدا لەسەر هاوڵاتی بوون مامەڵەی لەگەڵدەکرێت، ئازادە لە چوارچیوەی فیکری خۆیدا چی باس دەکات و دەیڵێت، ئیسلام ڕێگر نابێت لە تەرحی بەرانبەرلە فیکری نەیارانی ، بەڵام لە سوکایەتیو خیانەت جێگای قوبوڵ نیە.

میحورەی دووەم بە کورتی وەڵامی ئەوە پرسیارەی خەڵکی دیموکراتخوازەکان ئەدەمەوە کە دەڵێن: بۆچی موسڵمانان وەك ئێمەو مانان لە ئەوروپادا لەسایەی سیستەمی دیموکراسیدا دەژین قسەدەکەن و بۆ ناچن بۆ سعود یان بۆ ووڵاتیکی تر ئیسلامی..؟

لەووەڵامدا دەڵێم: کێشەی خەڵکی سادەو ئەوانەی کە دیموکراتخوازن زۆر سادە بیر دەکەنەوە پێیان وایە ئەوەی دیموکراتی نەبوو.. ئیتر دیکتاتۆرە ، ئەمە لە ناخی هەموو دیموکراتخوازێکدا دروست بووە، لە راستیشدا ئەوەی کە دیموکرات خوازە هێتلەرو مۆسلۆنی و ستالینی ناگاتێ، ئەوەندە دیکتاتۆرە..!

چۆن؟

دیموکراتخوازەکان بە زۆ دیموکراتی خۆیان دەسەپێنن، بەسەر ئەوانیشدا کە بڕوایان پێیی نیە، پاشان بڕوا نەبوون بە شتێك وەك مەبدەئو و مامەڵەکردن لەتەکیدا جیاوازە ، من کەسیکی موسڵمانم بە دەیان هاوڕێ و دۆستی عەلمانو بێباوەڕم هەیە مامەڵەش لەگەڵیاندا دکەم رێزیان دەگرم ، پاشان من دیموکراتی نیم بڕوام پێیی نیە و بە سیستەمێکی مەشخۆری دەزانم ، بەڵام مامەڵەی لەگەڵ دەکەم، ئەمە ئەوپەڕی سنگ فراوانیو بیرفراوانی ئێمەومانان نیشان ئەدات، دیکتاتۆرە دیموکراسیەکان ئەوانەن ، کە دەڵێت مادام دیموکراسی نیە بڕۆ دەرەوە مافی ژیانت نیە لاماندا، منیش دەڵێم من موسڵمانم ئیعتراف بە هەمووتان دەکەم ئەوە ئیوەن ناوێرن ئیعتراف بە من موسڵمان بکەن ، من بە ئیرهاب نیشان ئەدەنو خۆشتان پیاوچاك بەڕاستی پیاوانیەکی زۆر هەڵەیە..

بەهەر حاڵ هیوام وایە بەشێکم روون کردبێتەوە..

بەشێکی تری وەڵامەکە ئەوەیە ، ئێمەومانان لە ئەوروپادا لە سایەی دیموکراسیدا نەحەساوینەتەوە، لە ساییە سەرمایەداریدا ئارامیەکمان هەڵمژییوە کە کە ئەگەر سودەمان لە رووی مادییەوە لە سیستمە سەرمایەداریەکە وەرگرتبێت، لە دە لای ترەوە زەرەمەند بووین ..

بۆ؟

یەك مێحورە باس دەکەم بۆ ئەوەی زۆر دەرنەچم لەباسکە
خێزان- پایەیەکی گرنگی هەموو کۆمەڵگاکانە، بەڵام هەندێك لەبەر چاوچنۆکی سەرمایەداری دەیەوێت خێزان هەڵەبوەشێنێتەوە، چونکە لە خزمەتی پرۆژەی سەرمایەداریدا نیە، سەرمایەداری نە خێزانی دەوێت نە کۆمەڵگا بەڵکو دەسەڵاتیش مۆنۆپۆڵ دەکات تا بتوانێت هەرچی وزەیەك هەیە بەکاری بهێنێت بۆ بەرژەوەندیەکانی خۆی تا دەسکەوتی زیاتری هەبێت، مرۆڤەکان دابماڵێت لە هەرچی سۆزو هەست و نەست هەیە بۆ کاڵاکانی خۆی..
ئەم پرۆژەیە زۆر دەمێکە کار لەسەر ئەوە دەکات کە خێزان پارچەپارچە بکات و لەبەریەك هەڵیبوەشێنێتەوە، چونکە پرۆسەی دروستکردنی خێزان سود بە سەرمایەی سەرمایەداری ناگەیەنێت، هەرچەندە نامەوێت ئەم باسە لە دیدێکی فیکریەوە روماڵی بکەم، بەڵکو دەمەوێت لە رووی کۆمەڵایەتیەوە ئەو ترسە بخەمە بەردەم کۆمەڵگای کوردی ، هەوڵ بۆ نەهێشتنی خێزان دەدات. ئەزمونی رۆژئاوای لەبەرچاودایە بۆ لێکترازانی خێزان و لە ناو ئەو شارستانیەتیەدا ئەوەی ئەرزشی نەبێت خێزانە، بەهۆکاری کۆمپانیا زەبەلاحەکان سیستەمی سەرمایەداری بە تەواوەتی خەڵکی رۆژئاوا لێکترازاون و کۆمەڵگایەکی ساردوسڕیان پێكهێناوە، کە زۆر جار لە ووڵاتێکی وەك نەرویج دا کە زۆر خوشکو برای دایك و باوکی جیاواز یەکتر ناناسن لە پڕدا لە دیسکۆیەك بەیەك دەگەن و هەرچی حەزی خۆیانە لەگەڵ یەکتردا بەتاڵی دەکەنەوە، لە ووڵاتی فینلەندا بە هۆکاری سەرقاڵی دایك و باوك بە کاری رۆژانەوە خوشکو برایەك بە درێژای ڕۆژ کە دایک و باوکیان لە ئیش بوون لەگەڵیەکدا رایانبواردوە تا خوشکەکە سکی لە براکەی پڕ بووە ئینجا هەستیان پێکراوە، یاخود لە نەمسا پیاوێك لەگەڵ کچەکەی خۆیدا رایبواردوە بۆ ماوەی ١٨ ساڵیش لە ژێرزەمینەکەی ماڵی خۆیاندا زیندانی کردوە زیاد لە ٨ منداڵی لێبوو زۆرێك لە منداڵەکانی هەر لەو ژێر زەمینەدا بەهۆکاری ئەوەی کە نەخۆش دەکەوتن بۆ ئەوەی ئاشکرا نەبێت نەیدەبردنە نەخۆشخانە هەر لەوێ مردن، زۆری تر لەم رووداوانە لەئەورپادا دەبینرێت بێجگە لەو هەموو نەخۆشیە شازانەی کە توشی مرۆڤەکان دەبێتەوە لە رووی جنس و کاری بەدو خراپەوە..
ئینجا لەم ووڵاتانەدا ئەوەی پێبڵێن ڕێگا دان بە بیری ئیسلامی و دامەزراندنی دامەزراوەی ئیسلامی هیچ بوونی نیەو ئازادیەکەیان زۆر سنوردارە، ئیتر دیموکراسی مانای چیە؟
هەر ئەوندە زانیان موسڵمانیت و چالاکیت زۆرە هەموو هەفەتەیەك موخابەراتیان بانگدەکاتو تەحقیقت لەگەڵ دەکات.. خۆمان لێرە دەژینو دەزانی ئەوروپا چیە دەنگی دەهۆڵ لە دوور خۆشە ئەوەی ئازادیە لە دیموکراسی ئەماندا .. رابواردنو خواردنەوەیە..

لەووڵاتی نەرویجدا لە برگەی دوو لە یاسای دەستوریەکانیدا دەڵێت نابێت هیچ شتێك دژی ئاینی مەسیحی ئەو ووڵاتەبێت، یان لە بەریتانیا .. هتد.

دیموکراسی لە ئەمریکادا لەوپەڕی بێمانایدایە ، لە نێوانی دووحیزبدا ووڵاتو دەسەڵات دابەش کراوە هەر وەك یەکێتی و پارتی لای خۆمان بۆ ڕەخنە لە یەکێتی و پارتی دەگرن لەنێوانی کۆماری و دیموکراتخوازەکاندا حیزبی سێیەم شك دەبن؟ ئەوان زۆر گرنگی ئەدەن بە ئاینەکەیان ئەو سەرۆکەی دەێتە سەر حوکوم دیندار نەبێت هەڵنابژێرێت..!

بەهەر حاڵ ، لەم وەڵامەشدا ئەوە دەرکەوت، کە ئێمە لە سایەی سیستەمی دیموکراسیدا نە حەساوینەتەوە ئەوەی حاساندونینتەوە بازو کاری خۆمانە ، کە من مانگی واهەیە، ٢٠ بۆ ٢٥ وەرقە واتا ٢٥٠٠ دۆلار مانگانە زەریبە ئەدەم ، ئایا من لە سایەی دیموکراسیدام یان هێزوبازوی خۆم؟