نهله‌ ئه‌لهبابی په‌رله‌مانتاری عیراق له‌سه‌ر پارێزگای نه‌ینه‌وا هێرش ده‌كاته‌ سه‌ر پێشمه‌رگه‌و ده‌ڵێت: له‌دوای قۆناغی داعش پێشمه‌رگه‌ مه‌ترسین بۆ سه‌ر عیراق. 

ناوبراو رایگه‌یاندووه‌ كه‌ ، هه‌رێمی كوردستان زه‌ویه‌كی زۆری له‌ ناوچه‌ جێ ناكۆكه‌كاني خستۆته‌وه‌ سه‌ر كوردستان و به‌شێوه‌یه‌ك مامه‌ڵه‌ ده‌كات وه‌ك ئه‌وه‌ی سه‌ر به‌هه‌رێم بن.

دەشڵێت: مه‌سعود بارزانی شه‌ڕی پێشمه‌رگه‌ی ته‌نیا له‌و ناوچانه‌دت كوتكردۆته‌وه‌ كه‌ كار بۆ گێرانه‌وه‌ی بۆ سه‌ر كوردستان ده‌كات و هیچ كه‌سێكی بۆ ئه‌نبار و ناوچه‌كانی دیكه‌ نه‌جوڵانداوه‌ كه‌ له‌ هه‌رێمه‌وه‌ دوره‌ .

ئەمە له‌ كاتێكدایه‌ كه‌ له‌ راگەیاندنەکانەوە ده‌نگۆی به‌شداریكردنی بێ مه‌رجی هێزی پێشمه‌رگه‌ هه‌یه‌ له‌ شه‌ڕی كۆنتڕۆڵكردنه‌وه‌ی پارێزگای نه‌ینه‌وا له‌ده‌ستی داعش.