هەریەك لە حەیدەر عەبادی سەرۆكی ئەنجوومەنی وەزیرانی عیراق و نوری مالكی جێگری سەرۆك كۆماری عیراق  لە دوو نامەی جیادا، بە بۆنەی هاتنی نەورۆزەوە ، پیرۆزباییان لە مەسعود بارزانی، گەلی كوردستان كردووە.
 
حەیدەر عەبادی‌ لە نامەكەیدا بۆ بارزانی نووسیویەتی:  بەبۆبەی هاتنی  نەورۆزەوە گەرمترین پیرۆزبایی پێشكەش بە ئێوە و گەلی كوردی بەڕێزمان دەكەین، لە خوای گەورە داواكارین ، بە ئارامی و خۆشگوزەرانی و گەشەسەندن، بۆ عیراق و گەلەكەمان بگەڕێنێتەوە. 
 
هەروەها نوری مالكی جێگری سەرۆك كۆماری عیراقی فیدڕاڵ لە نامەكەیدا نووسیویەتی" بەبۆنەی هاتنی  نەورۆزەوە جوانترین و گەرمترین پیرۆزبایی پێشكەش بە ئێوە و هەموو ڕۆڵەكانی گەلی كوردمان لە كوردستان دەكەین، لە خوای گەورە داواكارین بە خۆشی و شادی بۆتان بگەڕێنێتەوە و عێراق و گەلەكەشمان لە هەموو ناخۆشییەك بپارێزێت".
 
مالیی‌ راشگەیاندووە كە هەموو گەلی عیراق بەرپرسیارن لە بونیادنانەوەی عیراقی یەكگرتوو كە تیایدا هەموو ڕۆڵەكانی بەختەوەربن.