وابڕیارە رۆژی یەکشەممەی داھاتوو وەفدێکی حکومەتی ھەرێم سەردانی بەغداد بکات بۆ گفتوگۆکردن لەسەر جێبەجێکردنی ڕێکەوننامە نەوتیەکەی نێوان ھەرێم و بەغداد، کێشەو گرفتەکانی بەردەم جێبەجێکردنی.
وەفدی حکومەتی ھەرێم پێکدێت لە ئەندامانی ئەنجومەنی باڵای نەوت و وزەی ھەرێم و لەگەڵ سەرۆک وەزیران و وەزیری نەوتی عێراق کۆدەبنەوە.
جێگای ئاماژەیە لە ھەفتەی ڕابردودا ئەندامانی کۆمیسیۆنی نەوت و وزەی ئەنجومەنی نوێنەران لەگەڵ حکومەتی ھەرێم کۆبونەوەو لەو کۆبونەوەیەدا جەخت لەسەر ئەوەکرایەوە کە پێویستە بۆ چارەسەرکردنی کێشەکانی ھەردوولا وەفدێکی ھەرێم سەردانی بەغداد بکات.