فاتیح مەولەوی زادە  رایگەیاند كە سبەینێ چوارشەممە دوای كۆتایی هاتنی پشووی وەرزی یەكەم دەوامی فەرمی لە قوتابخانە و خوێندنگاكانی سنوری شاری هەولێر و دهۆك و گەرمیان دەستپێدەكاتەوە.
 
سەبارەت بەدەوامی سنوری پارێزگای سلێمانیش وتەبێژی وەزارەتی پەروەردە ئاماژەی بەوەكرد كە لەبەرئەوەی لەسنوری سلێمانی بەهۆی بەفربارین دوو ڕۆژ دەوام راگیرابوو رۆژی شەممەی داهاتوو دەوامی فەرمی دەستپێدەكاتەوە.
 
بەهۆی كۆتایی هاتنی تاقیكردنەوەكانی وەرزی یەكەمی قوتابخانەو خوێندنگاكانی هەرێم وەزارەتی پەروەردە پشووی هەفتەیەكی راگەیاندبوو، لەسلیمانیش بەهۆی بارینی بەفرەوە خوێندن لەو شارە كرا بەپشوو.