ئەمڕۆ دووەمین کاروانی هێزەکانی پێشمەرگە لە کۆبانی لە باکووری سوریا گەڕانەوە بۆ هه‌رێمی کوردستان. 

شەوی رابردوو فڕۆکەی هێزەکانی پێشمەرگەی هەرێمی کوردستانی عێراق لە شاری کۆبانی کە لە رێگای فرۆکەخانەی  رحای  تورکیا، بەرەو هەولێر وەڕێکەوتبوو، بەهۆی خراپی کەش وهەوای هەولێر، ناچار بوو بگەڕێتەوە تورکیاو دواجار کاتژمێر 3ی سەرلەبەیانیی ئەمرۆ لە رێگای فڕۆکەخانەی سلێمانی گەیشتنەوە هەرێم.
ئەو پێشمەرگانە، کە دووەم کاروانی  هێزەکانی  پێشمەرگەیە، ماوەی 45 رۆژ لە شاری کۆبانی شان بە شانی بەرگریکارانی کوردی سوریی  شەڕی داعشیان کرد و دوای گەیشتنی سێیەم کاروانی هێزی پێشمەرگە، بڕیار درا ئەوان بگەڕێنەوە هه‌رێمی کوردستانی عێراق.