وه‌زاره‌تی به‌رگری ئیسرائیل له‌ به‌یانـنامه‌یه‌کدا ڕایگه‌یاند ئه‌و 3 که‌سه‌ دانیشـتووی شـاری هێبرۆنن و‌ ته‌مه‌نیان له‌ نێوان 21 بۆ 23 سـاڵه‌، له‌ ئۆپه‌راسیۆنێـکی هاوبه‌شی له‌شـکری و ده‌زگای ئاسایش (شاباک) له‌ شاره‌که‌ ده‌سـتگیرکراون. 
له‌ لێـکۆڵینه‌وه‌کاندا هه‌رسێ تاوانباره‌که‌ دانیان ناوه‌ به‌ تاوانه‌کانیان و گوتویانه‌ هه‌وڵی پـێـکهێنانی شانه‌یه‌کیان  داوه‌ و به‌ نیازبوون چه‌ند هێرشێـک ئه‌نجام بده‌ن. گوتوشیانه‌ سه‌رقاڵی دروسـتکردنی بۆمب بوون و یه‌ک له‌ بۆمبه‌کانیان به‌ سه‌ربازانی ئیسرائیلی ته‌قاندووه‌ته‌وه‌. 
وه‌زاره‌ته‌که‌ ده‌شڵێت پلانیان دانابوو‌ سه‌ربازێـکی ئیسرائیلی بکوژن و پاشان چه‌ک و جلوبه‌رگه‌که‌ی به‌رن بۆ به‌کارهێنانیان له‌ هێرشى دیکه‌. هه‌روه‌ها به‌ نیازبوون هاوڵاتیـیه‌کی سیڤیلیش بکوژن و چه‌که‌که‌ی بۆ هه‌مان مه‌به‌ست به‌رن.