بەتۆمەتی تێوەگلانی لە چەند دۆسێیەکی پەیوەست بە تیرۆر، حکومەتی میسڕ بڕیاریدا دەست بەسەر موڵک و ماڵی یوسف قەرزاوی سەرۆکی یەکێتی زانایانی موسڵمانی جیھان و چەند کەسایەتییەکی دیکە بگیرێت.

عزەت خەمیس یاریدەدەری وەزیری دادی میسڕ ئاشکرایکرد: ئەو لیژنەیەی لەلایەن وەزارەتەکەی پێکھێنراوە سەبارەت بە پشکنین و لێکۆڵینەوە لە موڵک و ماڵی لایەنگرانی سەر بە ئیخوان موسلمین، بڕیاریداوە دەست بەسەر موڵک و ماڵی ١١٢ کەسدا بگرێت کە تێوەگلان بە ئەنجامدانی تیرۆرو ھاوکاری کردنی تیرۆریستان.