26/12/2014
•
نوسەر: bzavpress
•
حكومهتی توركیا لهباتمانی باكوری كوردستان 5 بهرپرسی كورد دهستگیردهكات
له كاتی بهڕێوهبردنی كهمپینی "ئازادی بۆ ئۆجهلان" ھهریهك له بهرپرسی ھهدهپه مهحمود چیفت و بهرپرسی پارتی دهبهپه عایشه ئیڵگات، ئهندامی دهستهی بهڕێوهبهرانی ھهدهپه سهلما كایا، ئهندامی دهبهپه محهمهد دهمیر و محهمهد شهریف دورسون له لایهن تیمهكانی ئاسایشی سهر بهحكومهتی توركیا لهباتمانی باكوری كوردستان دهستگیركران.
بیانوی ئاسایشی توركیا لهدهستگیركردنی ئهو بهرپرسه كوردانه پهیوهسته بهوهی بانگهشهیان بۆ پارتی كرێكارانی كوردستان كردووه.
له لایهكی دیكهوه، سهرۆك شارهوانی باتمان سابری ئۆزدهمیر لهگهڵ ژمارهیهك له ئهندامانی ھهدهپه و دهبهپه گهیشتنه بهردهم باڵهخانهی بهڕێوهبهرایهتی ئاسایشی باتمان و ههوڵدرا بهدواداچوون لهسهر پرسهكه بكهن و كۆتایی به دهستگیركردنی ئهندامی پارته سیاسییهكان له باتمان بهێنرێت.