عەباسی کورێ فرناسی ...
فیصل رسول


ئێك ژ زانایێت موسلمانا عەباسی کورێ فرناسی بوو کو زانا و شاعر و فیلسوف و مخترع بوو ل سالا 810 ژدایك بوویە و سالا 887 چویە بەر دلۆڤانیا خودێی ل قرطبە کو نوکە لبن دەسهەلاتا اسپانیا یا داگیرکەرە...

ئەم هەمی دزانین ئەو ئێکەم کەس بوویە هەولا فرینێ دایە و شیا پێشکەفتنێ باش بدەست خۆ ڤە بینیت، کەس نەشێت زیرەکیا وی کێمبکەت، لێ لڤێرە مە دڤێت بەحسێ درەوەکا بێدین و عەلمانیان بکەن کو دبێژن دەمێ عەباسێ کورێ فرناسی هەولدایە بفریت، دمریت و پاشی زانایێ موسلمانا مناقشێ لسەر هندێ دکەن کو ئەرێ عەباس شەهیدە یان خۆ کوشتیە و دبیتە گفتوگۆیەکا بهێز، ل شینا بچن دیڤ گەرێن کا چەوا عەباس فریە ..

ئەڤە شەرمەزاریەکا مەزنا ملحدایە چونکی وسا خۆ دیاردکەن ئەو دگەل زانستی نە و زانایێ موسلمانا مژیلی تشتێ دی، یا ئێکێ هەر عەباس موسلمان بوویە ئانکۆ ئەڤە نابیتە شانازی بۆ وە دبیتە شانازی بۆ موسلمانا، یا دوویێ درەوا دکەن زانایا ئەڤ تشتە نەکریە مناقشە، چونکی 12 سالا پشتی هەولدانا عباسی بۆ فرینی هنگی یێ مری نەك دەمێ هەولدای کو بفریت مربیتن، ئانکۆ ژ بنی را ئەڤ تشتە درەوە و راست نینە، کو شەهید بووبیت یان قاتلێ نەفسا خۆ بیت، چنکی دوزادە سال پشتی هەولا فرینی ب مرنەکا ئاسایی عباسێ کورێ فرناسی یێ مری، باشترین دەلیل لسەر هندێ ئەوە چونکی دەمێ ل بەغداد بووی ل نزیك قەسرا الرسافە هەولا فرینێ یادای و ئەو بخۆ ژ قرطبە یێ چووی بەر دلۆڤانیا خودێی پشتی 12 سالا، ژبەر هندێ پێدڤی ناکەت ڤان درەوا بناڤێ زانست و بناڤێ زانایێ موسلمانان بکەن، و کارێ عەباسی کورێ فرناسی بۆخۆ بکەنە دەسکەفت، هەژیە بێژین دەمێ عەباسی ئەو کار دکر ملحد و عەلمانی ژکیڤە بوون دگەل ئەو ئەوروپایا ئەو شانازیێ پێدکەن ؟ 

ئەو خەلەت تێگەهشتن یابلاڤ دناڤ خەلکی کو عباس وی دەمی یێ مری کو محاولا فرینێ کری ژ وێ چەندێ سەردگریت کو جوهری مر دەمێ هەولدای بفریت نەك عباسێ کورێ فرناسی .
ژێدەر: سایتی موضوع
به‌روار: 30/08/2019
بینین: 49
هیچ داتایه‌ک به‌رده‌ست نیه‌ .
1
په‌ڕه‌یله‌ 0
ژماره‌ی بابه‌ت