وەڵامدانەوەی گومانەکان
  وەڵامدانەوەی گومانی ئەو مولحیدانەی باسی حوری و بەهەشت دەکەن..
نوسینی: ماکوان کەریم



لەڕاستیدا ئەوەی لە ئێستادا دەوروژێنرێت ئەم باسەیە لەناو لاوی موسڵمانی کوردا لە لایەن مولحیدەکانەوە...
هەوڵ ئەدەم بە چەند خاڵێکی روونی بکەمەوە ..
یەکەم : مولحیدەکان کە بێباوەڕن بەخوای ئیسلام و بە رۆژی قیامەت .. داماوی ئەقڵیان لەوەدایە کە باس لە میتۆدێكی ژیان دەکەن کە هیچ پەیوەندی نیە بە ژیانی دوونیاوە .. لە کاتێکدا باسەکە لە شێوە ژیانێکی تردایە کە هیچ دوورو نزیك پەیوەندی نیە بە ژیانی ئەم زەوەیەی لەسەری ژیان دەبینە سەر..
لە رووی زانستی و هونەری رەخنەو بنەمای فەلسەفیشەوە .. کاتێك مرۆڤێك رەخنە لە هەر شتێك دەگرێت دەبێت بە چاوی ئەو واقیعە قسەی لەسەر بکات کە ئەو باسەی تێدایە، یاخود روویداوە، یان شیکاری بۆدەکات و یان خوێندنەوەی بۆ دەکات ..
باسەکە راستەوخۆ پەیوەندی هەیە بە ئیمانەوە ئیمانیش پەیوەندی هەیە بەدینەوە.. کە هەواڵە دراوە بە موسڵمانان .. کەواتە ئەم میتۆدی ژیانە هیچ پەیوەندی نیە بەسەر کافرو موشریك و مەسیحی و جولەکەو بێدین و هەر ئاینێکی دیکە، تەنها پەیوەندە بە خودی ئیماندارەوە ..! قسەی مولحید لەسەری تەنها جۆرێکە لە سوفسطائیەت..واتا .. تەنها سەرقاڵ کردنی موسڵمانە پێوەی.
دووەم: باسەکە پەیوەندی بە بەهەشتەوەیە کەواتە دەبێت .. بە چاوی ئەهلی بەهەشت تەماشای بکەین - خوای گەورە لەوانە بمانگێڕێت- هەندێك مولحید تەنانەت لە موسڵمانایش وا پەی دەبن حوری لە بەهەشتدا پەیوەندی هەیە بەسەر شەهوەتەوە...! ئەمە لەڕاستیدا ..وانیە :- بەڵکو- پەیوەندی بە نیعمەتی بەهەشتەوە هەیە کە رازی کردنی خوای گەورەیە بۆ بەندە چاکەکانی بە پیاو ژنەوە .. چونکە خوای گەورە لە قورئاندا باسی ژنو پیاوی کردوە بە یەکسانی لە ئەجرو پاداشتدا.. دەقی ئایتەکان زۆرە تەنها دەقێك دەخەمە بەرچاو .. بۆ بەرچاو ڕوونی
إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا ﴿٣٥﴾ الاحزاب
به‌ڕاستی پیاوان و ئافره‌تانی موسوڵمان، پیاوان و ئافره‌تانی ئیمان دار، پیاوان و ئافره‌تانی ملکه‌چ و فه‌رمانبه‌ردار، پیاوان و ئافره‌تانی ڕاستگۆ، پیاوان و ئافره‌تانی خۆگر، پیاوان و ئافره‌تانی له‌خوا ترس، پیاوان و ئافره‌تانی به‌خشه‌نده‌، پیاوان و ئافره‌تانی ڕۆژووان، پیاوان و ئافره‌تانی داوێن پاك و ئه‌و پیاو و ئافره‌تانه‌ی که ‌زۆر یادی خوا ده‌که‌ن، به‌خشین و لێ بورده‌یی و پاداشتی زۆر مه‌زن و بێ سنووریان له‌لایه‌ن خوای گه‌وره‌وه ‌بۆ ئاماده‌کراوه‌ (هه‌ر که ‌دنیایان به‌جێهێشت پێی شاد ده‌بن).
کەواتە هەرچی بۆ پیاو هەبێت بۆ ئافرەتانیش هەیە و خوای گەورە ڕازیان دەکات بە نیعمەتەکانی لە بەهەشتدا و تەنانەت لە دونیاشدا ...
بەڵام هەریەكە لەمانە بەجۆری فیزکی و باری دەرونی خۆی مامەڵەی لەگەڵدا دەکرێت و رازی دەکرێت..
ئەوەندە مولحید و ئەوانەشی کە ئەقڵ بچوكن ئەمەیان بۆ قوبوڵ ناکرێت کە حووریە وخوای گەورە دەیبەخشێت بە ئەهی بەهەشت .. بەڵکو - زۆر شتی لەوە گرنگتر و گەروەتر دەبینن و دەبنە خاوەنی .. لە هەمووی گرنگتر.. بینی خوای پەروەدگارە بە دەقی ئایەتی سورەتی القیامة
وُجُوهٌ يَوْمَئِذٍ نَّاضِرَةٌ ﴿22﴾
(به‌مه‌رجێك) ئه‌و ڕۆژه‌، ڕوخسارانێك گه‌شاوه‌و ناسك و ئاسوده‌ بن.
إِلَى رَبِّهَا نَاظِرَةٌ ﴿23﴾
چونکه‌ (هه‌ریه‌كه‌ بۆ خۆی) ته‌ماشای په‌روه‌ردگاری ده‌کات و (له‌ ته‌ماشا کردنی تێر نابێت).
لە ئەوە گەورەترین نیعمەتە.. خوای گەورە لەوانە بمانگێڕێت.. امین
ئەی بۆ قسە لەسەر ئەمیان نەکەیت کە بینی راستەو خۆی خوای موتەعالە..! کە دەڵێت خوا نیە .. ئەی چۆن رەخنە لە حۆری دەگریت ، وەك ووتمان بۆ موسڵمانە ئەم باسەو مێتۆدی ژیانە رەخنە لە شتێك دەگیریت کە بونی هەبێت!.. ئەگەر خواش هەیە و بڕوات پێیەتی ، خوای گەورە دەتوانێت لەوەزیاتر ببەخەشێت، بەڵام کە تۆی مولحید مێشکت بچوکەو پەی بە شتی گەورە نابات.
سێیەم : هەندیك لە مولحید و تەنانەت موسڵمانیش وا هەست و پەی دەبن کە ڕابواردن لەگەڵ حۆریەکاندا لە شێوەی فاحیشەو زیناو هەرەمکی و وەك دیسکۆکانی مولحیدو شەوانی سوریان تەماشا دەکەن، هەندیك لە موسڵمانیش کاریگەری ڕۆشنبیری چەوت وچەوێڵی مولحیدو عەلمانی بەسەرەوەیە .. کە لە ڕاستیدا ئەمەش هەر وانیە .. بەبەڵگەی ئایەت و فەرمودە..
کە پەیوەندیەکی مەشروعی ڕێگە پێدراوە بە زەواج ..! چونکە مرۆڤ کە هاوسەری بوو خۆی خاوەنیەتی و هیج مەخلوقێکیتر نابیتە خاوەنی .. پەیوەندی ژن و مێرد بە هەموو بیروباوەڕێك پەیوەندیەکی تەندروستە..!
چەند ئایەتێك دەست نیشان دەکەم کە باسی زەواجی حووریەکان دەکات لەگەڵ ئەهلی بەهەشتدا ... بەبێ تەفسیر لەبەر تەنها وەك بەڵگە ... دەتوانن خۆتان بگەڕێنەوە بەتەفسیرەکانی
((متكئين على سرر مصفوفة وزوجناهم بحور عين)) (الطور-آية 52). هەروەها دەفەرموێت: ((كذلك وزوجناهم بحور عين)) (الدخان-آية 54)..
میتۆدی هاوسەرگیری.. لەڕاستدا خۆشەویستی و رەحمەت و سۆز و میهرەبانیە .. نەك تەنها وەك مولحیدە شەهوانیەکان بیر لە جوت بوون دەکەنەوە .. چونکە ئەوان لە مێشکی بۆگەنی خۆیانەوە دەروانە واقعیی ئیسلام و موسڵمانانیش..
((ومن آياته أن خلق لكم من أنفسكم أزواجا لتسكنوا إليه وجعل بينكم مودة ورحمة إن في ذلك لآيات لقوم يتفكرون))(الروم-أية 21)
خاڵی کۆتایی : دەمەوێت باسی ئەوە بکەم بەهەشت شێوە ژیانی جیهانێك و هەسەرەیەکی ترە کە لە شێوەی ئەم ژیانە نیە !!.. تا کافرو موسڵمان بەشێوەی دوونیا بیری لێبکاتەوە بە پێوەری ئەم ژینە هەڵیسەنگینێت، چونکە جیاوازیان ئاسمان و ڕێسمانە .. 
هەندێك لە جیاوازیەکان باس دەکەم ...
- لە بەهەشت دوکان و بازاڕی تەنها گۆڕینی ئەندامەکانی لاشەی مرۆڤ خۆیەتی بەجوانتر .. حەز لە چاوی شین دەکات .. یاخود چاوەی قاوەی ..هتد، لەوێ هەیە خۆت دەیگۆڕیو صیانەی دەکەیتەوە ، ئەندامەکانی لاشەت جیت پێخۆشە لە قژو چاو لوت و گوێ و دەنگ و پەنجەو .. ، یاخود باڵای بەرز و یان بازۆڵەی قەوی .. هتد، ئەوە دوکان وبازاری بەهەشتە .. بۆیە نابێت بە دیدو تێڕوانینی ئەم دنیایە تەماشا بکرێت..
- لەوێ پیری نیە .. هەمیشە مرۆڤەکان بە گەنجی دەمێننەوە ؛ ئاوهەوای ئەوێ سازگارەو رۆژ نیە و شەویش نیە، بەڵکو - دەمەو ئێوارەیەکی هەمیشەییە ، کەواتە جیاوازی کەش و هەواش هەیە ..
- لەوێ ئەوەی ژیاوە لەم دونیایەدا دەیبینی لە ئادەمەوە تا کۆتاتیی مرۆڤە بەهەشتیەکان .. مردنیش نیە .. کەواتە هێزی مرۆڤ نەبڕواوەیەو بە خلودی دەمێنێتەوە..!
- چینایەتی بەهەشت تەنها بەگوێرەی کردەوەی چاکەی مرۆڤەکانە.. هەر کەس زیاتر لە پێناوی خوای گەورەدا هەوڵی دابێت زیاتری دەست دەکەوێت.. کەواتە ماندوو بوون لەوێ نیە و هەمیشە دەستت دەکەوێت بێ ماندوو بوون .. بە رازی کردنی خۆت و چۆنت پێخۆشە، چونکە .. لە دوونیادا خوای پەروەردگارت رازی کردوە خوای گەورەش رازیت دەکات لەبەهەشت.. ئەمە پاداشتە نەك ژیانی سەرزەوی، کە مرۆڤ هەمەیشە لە هەوڵدا بووە، لەوێ پاداشت وەردەگری لای اللە .. داخۆ پاداشتی اللە ش چی بێت.. خوای گەورە بیکاتە نسیبمان. بۆیە بەئەقڵی دوونیا بیری لێبکەیتەوە .. بەڕاستی بێ ئەقڵییە .
- کەرەستەی بەهەشت نە صینیە و نە یابانی و نە ئەڵمانی.. بەڵکو .. هەموو صنعی خوای پەروەردگارەو هەموو گرانبەهایە .. هیچ پێوەر ناکرێت بۆ پێداویستی سەرزەوی لێرە مرۆڤ دروستی دەکات لەوێ خوای پەروەردگار.. کەواتە .. پێوەری ئەقڵی مولحید داماوییە ..و سەرگەردانیە
- ٧٢ حوری.. بەر.. هەموو کەس ناکەوێت ، تەنها تایبەتە بە شەهیدان .. بۆ نمونە لەم دنیایەدا هەرکەس شەهید بێت بۆ حیزبێك یان دەوڵەتێك ... ئەو دەسەڵاتە..زەوی و زارو ماڵو خانوی باشیان بۆ دەکەن و کرێی خەستەخانەوە زۆرشتی تریان بە خۆڕاییە .. جا هەر کەس لە پێناوی خوای گەوردا شەهید بێت دەبێت چی پێببەخشێت .. کەواتە خوای گەورە ئەوەی بۆ دەکات کە خۆی بە ئەقڵیدا نەهاتوە و کەسیش بەئەقڵیدا نایەت.
هیوام وایە شتێکم روون کردبێتەوە .. زۆر هەوڵمدا کورتی بکەمەوە بەڵام هیچ مەجالی تێدا نەما لەوە زیاتر .. هیوام وایە بیخوێننەوە سەرنجو تێبینیەکانتان بڵێن .
ئەگەر راستم ووتوە ئەوە هەمووی لە دینەکەی ئیسلامەوە فێربووم نیعمەتی پەروەدگارە بەسەرمەوە .. ئەگەر هەڵەم کردوە ماکوانە خوایە موتەعال لێیخۆشبە جاهیلە ..
به‌روار: 18/03/2016
بینین: 2753