هەواڵ

پۆلیسی سلێمانی دەستگیرکردنی ٢٣ تۆمەتباری ڕاگەیاند


بزاڤـ: 

به‌ڕێوه‌به‌رایه‌تی پۆلیسی سلێمانی رایگەیاند، هێزه‌كانى بنكه‌ى پۆلیسى راپه‌ڕین ٢٣کەسیان بە تۆمەتی تەقە و فێڵکردن و زیادەڕۆیی كردنە سەر موڵكی گشتی دەستگیر کردووە.

به‌ڕێوه‌به‌رایه‌تی پۆلیسی پارێزگای سلێمانی، ئەمرۆ (٢١ی شوباتی ٢٠١٩) ڕایگەیاند، لەماوەی١٠ ڕۆژی ڕابردوودا هێزەكانی بنكەی پۆلیسی ڕاپەڕین ٢٣ تۆمەتبار دەستگیردەكەن.

ئاماژەی بەوەشکردووە تۆمەتبارەکان بەهۆکاری جیاواز دەستگیرکراون و تۆمەتبارێك تەقەی كردووە و دوای دەستگیركردنی دەستیشگیراوە بەسەر چەكی بەكارهاتوودا و چەند تۆمەتبارێكی دیکە فێڵیان لەهاوڵاتیان كردووەو پارەیان بەفێڵ لێوەرگرتوون.

 پۆلیسی سلێمانی رونیشی کردووە، دوو تۆمەتباری دیکە دەستگیركراون كە هەستاون بە زیادەڕۆیی كردنە سەر موڵكی گشتی

ئەمە لە کاتێکدایە شەوی ڕابردوو، هێزەكانی بنكەی پۆلیسی بەختیاری تۆمەتبارێكیان دەستگیركرد كە ساڵی ڕابردوو هاوسەرەكەی خۆیی كوشتبوو.


‌‌‌
2/21/2019 12:50:45 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ