هەواڵ

گۆرانی ئینزبات: چاوەڕێ دەكەم ئەمجارەش لە پەرلەمان دەرمانبكەن


بزاڤــــ:

ئەندامێكی پەرلەمانی كوردستان لە فراكسیۆنی بزوتنەوەی گۆران ڕایدەگەیەنێت، بەردەوام لەگفتوگۆكانی نێوان گۆڕان و پارتی ئاگاداردەكرێینەوە، بەڵام ئاگاداری ئەوە نین  كە بزوتنەوەی گۆڕان بەدیاریكراوی داوای چ پۆستێكی كردووە ئەوە لای ئەندامانی لیژنەی دانوستانكار و خانەی ڕاپەڕاندنە، دەشڵێت،"چاوەڕێ دەكەم و بەبیری-شمدا هاتووە، كە ئەمجارەش لە پەرلەمان دەرمان بكەن و بماننێرنەوە ماڵ و پەرلەمان دابخەن".

گۆران عومەر (ئینزبات)، ئەندامی پەرلەمانی كوردستان لە فراكسیۆنی بزوتنەوەی گۆران بە دەنگی كوردی ئەمریكا ی ڕاگەیاندووە، تا ئێستا پارتی بەڵێنی هیچ پۆستێكی بە بزوتنەوەی گۆڕان نەداوە، كە بڵێت كام پۆستەی حكومەتمان بۆ گۆڕان داناوە و پێییان دەدرێت لەسەر داواكاری و بەرنامەی گۆڕان-یش دانیان بەوەدا ناوە، كە بەرنامەكەی گۆڕان لەبەرژەوەندی گشتیە، بەڵام بەڵێنی جێ بەجێ كردنیان نەداوە.

باسی لەوەشكردووە،"چاوەڕێ دەكەم و بەبیری-شمدا هاتووە، كە ئەمجارەش لە پەرلەمان دەرمان بكەن و بماننێرنەو ماڵ و پەرلەمان دابخەن و وەزیرەكانمان دەربكرێن، چونكە پارتی و یەكێتی دوو حیزبی دەسەڵاتدارن هێزی چەكداریان هەیە، بەڵام ئێمە هێزێكی مەدەنی و بێ چەك-ین هەر بەڕێگای خەباتی مەدەنی، هەرچەندە خوێن-یشمان بڕژرێت نەك دەربكرێین سورین لەسەر بەرنامە و بەڵێنی خۆمان".

ئەو پەرلەمانتارەی گۆڕان ڕاشیگەیاندووە، هەموو ئۆپۆزسیۆنێك كە دروست دەبێت بۆ ئەوە دروست دەبێت، كە بەشداری دەسەڵات بكات و ئەو بەرنامە چاكسازیەی هەیەتی وەك حیزبەكانی دیكەی وڵاتە پێشكەوتووەكان، كە دەبێتە ئۆپۆزسیۆن خەڵك دەنگی پێدەدات تا بچێتە دەسەڵات بەچاكسازی دەستبكات، ئێمەش لە هیچ بەرنامەیەكی خۆمان پاشەكشەمان نەكردووە.

ئاماژەی بۆ ئەوەشكردووە، تا ئێستا بزوتنەوەی گۆڕان نەیوتووە بەشداری لەحكومەت دەكەین یاخود بەشداری ناكەین ئەگەر مەرجەكانی گۆڕان و بەرنامەكەی جێ بەجێ بكرێت گۆڕان دەچێتە حكومەتەوە .


‌‌‌
2/8/2019 12:34:49 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ