هەواڵ

١٥ ڕۆژە نوێنەرانى هەدەپە لەهەولێر لەمانگرتن بەردەوامن


زاڤـــ:

ماوەى ١٥ ڕۆژە مانگرتنى نوێنەرانى هەدەپە لەهەولێر بەردەوامن لەمانگرتنیان بەهۆى ڕەوشی عەبدوڵا ئۆجەلان ڕێبەرى زیندانیکراوى پەکەکە و فشارەکانى تورکیا لەسەر ئەندام و لایەنگرانى هەدەپە.

 نوێنەرى هەدەپە لەهەرێمى کوردستان ڕایگەیاند بۆماوەى سێ ساڵە کەسوکارى عەبدوڵا ئۆجەلان ئاگادارى ڕەوشی تەندروستى ئۆجەلان نین و بەو هۆیەوە ئەندامان و لایەنگرانیان لە تورکیا و جیهان دەستیان بە مانگرتن کردووە و بەردەوام دەبن.

ڕاشیگەیاند هەتاوەکو تورکیا فشار بخاتە سەر حیزبەکەیان لەڕێگەى دەستگیرکردنى ئەندامان و لایەنگرانیان و ڕەوشی تەندروستى ئۆجەلان نادیار بێت بەردەوام دەبن لەسەر مانگرتنەکەیان.

گۆشەگیرکردنی عەبدوڵا ئۆجەلان ڕابەرى زیندانیکراوی پارتى کرێکارانى کوردستان (پەکەکە) لەلایەن حکومەتی تورکیاوە، چەندین جار ناڕەزایەتی پەرلەمانتار و لایەنگرانى هەدەپەى لێکەوتووەتەوە، بەوهۆیەشەوە له‌یلا گیوڤه‌ن په‌رله‌مانتاری هه‌ده‌په‌ و هاوسه‌رۆكی كۆنگره‌ی كۆمه‌ڵگه‌ی دیموكراتیك (كه‌جه‌ده)‌ ماوه‌ی زیاتر لە مانگێکە له‌ زیندان‌ مانگرتنیان ڕاگەیاندووە. 


‌‌‌
12/5/2018 1:01:19 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ