هەواڵ

ئەمڕۆ پارەی کارمەندانی سەر سندوقەکانی ھەڵبژاردن دابەش دەکرێت


بزاڤـــ:


دەست بەدابەشکردنی پارەی کارمەندانی سەرسندوقەکانی ھەڵبژاردنی پەڕلەمانی عێراق دەکرێت و بەرپرسێکی کۆمسیۆنی باڵای ھەڵبژاردنەکانی عێراقیش ڕایگەیاند، ئەوانەی کێشەیان نەبێت دەتوانن ئەمڕۆ پارەکە وەربگرن.

سەعید کاکەیی ئەندامی ئەنجومەنی کۆمسیارانی کۆمسیۆنی ھەڵبژاردنەکانی عێراق بە دیجیتاڵ میدیای ئێن ئاڕتی راگەیاند،" دەستمان بە دابەشکردنی پارەی کارمەندان سەرسندوقەکانی ھەڵبژاردن کردووە".

ئاماژەی بەوەش کرد، ئەو کارمەندانەی ھیچ کێشەیەکیان نەبێت و ئامێر و پێداویستیەکان بە تەواوی گەڕاندبێتەوە دەتوانن ئەمڕۆ یەکشەممە پارەکانیان وەربگرن.

رۆژی ١٢ی مانگی ئایاری رابردوو ھەڵبژاردنی پەڕلەمانی عێراق بە ڕێوەچوو، تا ئێستا کارمەندانی سەرسندوقەکانی ھەڵبژاردنەکە پارەکانیان وەرنەگرتوە لە کاتێکدا زیاتر لە شەش مانگ بەسەر بەڕێوەچوونی پرۆسەکەدا تێپەڕیوە.


‌‌‌
11/18/2018 12:41:34 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ