هەواڵ

هاوپه‌یمانی‌ بڕیاریدا وه‌ك حزب به‌رده‌وام بێت


بزاڤـــ:

بەیانی ئەمڕۆ بە ئامادەبوونی ٤٠٠ هاودید، کۆبوونەوەی گشتیی هاوپەیمانی دیموکراسی و دادپەروەری بۆ بڕیاردان له‌سه‌ر ئاینده‌ی‌ حزبه‌كه‌ لە شاری هەولێر بەرێوەچوو و تێدا بڕیاردرا هاوپه‌یمانی‌ وه‌ك حزب به‌رده‌وام بێت و ناوی حزبەکەشیان گۆری بۆ هاوپەیمانی نیشتیمانی.

ماڵپەری حزبی هاوپەیمانی دیموکراسی و دادپەروەری بڵاویکردەوە، کۆبوونەوەکە لە کاتژمێر ٩:٣٠ خولەک دەستیپێکردووە چەندین پرسی گرێدراو بە داهاتووی کاری هاوپەیمانیەوە تاوتوێدەکرێن، لەوانە گۆڕینی ناوی هاوپەیمانی و هەڵبژاردنی سەرۆکی هاوپەیمانی یان دەستەیەک بۆ سەرۆکایەتیکردنی.

لە کۆبونەوەکەدا هاودیدانی ئامادەبووی کۆبونەوەی گشتیی هاوپەیمانی بە زۆرینەی ڕەهای دەنگ بڕیاریاندا هاوپەیمانی وەکو حزبێکی سیاسی بەردەوامبێت و درێژە بە کاری سیاسی خۆی بدات.

هەر لە کۆبوونەوەکەی ئەمرۆدا هاودیدانی هاوپەیمانی بڕیاریاندا گۆڕانکاریی لە پەیکەری ڕێکخستنی حزبەکەدا بکەن و بەگوێرەی ئەو هەموارەی کە لە پەیڕەوی ناوخۆدا ئەنجامدرا هاوپەیمانی سێ ئەنجومەنی دەبێت و کە ئەنجومەنی سیاسی و ئەنجومەنی جێبەجێکردن و ئەنجومەنی نوێنەران.

هەر ئەمڕۆ لە کۆبوونەوەی گشتی هاودیدانی حزبی هاوپەیمانی دیموکراسی و دادپەروەری و ناوی حزبەکەیان گۆڕی بۆ هاوپەیمانی نیشتیمانی.

حزبی هاوپەیمانی دیموکراسی و دادپەروەری لە مانگی کانوونی دووەمی ئەمساڵ یەکەم کۆبوونەوەی خۆی ئەنجامدا بەرهەم ساڵحی بە سەرۆکی حزبەکە دەستنیشان کرد، دواتر بەشداری هەڵبژاردنی پەرلەمانی عێراقیان کرد و توانیان دوو کورسی بەدەستبهێنن، بەڵام لە مانگی ئەیلولی ئەمساڵدا به‌رهه‌م ساڵح سەرۆکەکەی دەستی لەکارکێشایەوە ئەمەش نیگەرانی ئەندامان و لایەنگرانی ئەو حزبەی لێکەوتەوە، ئەمرۆش یەکەمین کۆبونەوەی فراوانی فەرمیی ئەنجام دەدات.


‌‌‌
11/9/2018 1:52:51 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ