هەواڵ

گۆران: دواخستنی ڕاگەیاندنی ئەنجامەکان بەمەبەستی دەستکاریکردنی ئەنجامی هەڵبژاردنەکان بوو


بزاڤـــ:

بزوونتەوەی گۆران ئاماژە بەوە دەکات، دواخستنی راگەیاندنی ئەنجامەکان بۆ ئەم ماوە زۆرە، تەنیا بەمەبەستی دەسکاری ئەنجامی هەڵبژاردنەکان بوو.

بزوتنەوەی گۆران سەبارەت بە راگەیاندنی ئەنجامی کۆتایی هەڵبژاردنی پەرلەمان لە ڕاگەیاندڕاوێکدا ئەوە دەخاتەڕوو، دوای سێ هەفتە لەچاوەڕوانی، دوێنێ درەنگانێکی شەو، پارتی و یەکێتی ئەنجامی کۆتایی هەڵبژاردنی ۳٠ی ئەیلولی پەرلەمانی کوردستانیان ڕاگەیاند.

 ئەوەشیان ڕاگەیاندووە،  دواخستنی راگەیاندنی ئەنجامەکان بۆ ئەم ماوە زۆرە، تەنیا بەمەبەستی دەسکاری ئەنجامی هەڵبژاردنەکان بوو.

بزووتنەوەکە باس لەوەش دەکات، یەکێتی و پارتی جگە دواخستنی ئەنجامەکان،  تەزویر و ساختەکاریەیان ئەنجامدا لە رۆژی دەنگداندا ئەوەش لەڕێگای دروستکردنی سەدان هەزار رەگەزنامەی عێراقی ساختە، بەهاوکاری و ڕاستەوخۆی فەرمانگەکانی رەگەزنامە لە هەرێم، کەسەر بەوەزارەتی ناوخۆی عێراقن.

گۆران لە ڕاگەیاندراوەکەدا ئەوەشیان ڕاگەیاندووە" سەر لەبەری ئەو ئەنجامەکانی هەڵبژاردن رەت دەکەینەوە و هەموو رێوشوێنێکی ئوسوڵی دەگرینەبەر بۆ ئەو مەبەستە".

دواى تێپەڕبوونی سێ هەفتە بەسەر ئەنجامدانی پرۆسەی هەڵبژاردنی پەرلەمانی کوردستاندا، شەوى رابردوو کۆمسیۆن ئەنجامى کۆتایى هەڵبژاردنەکەى ڕاگەیاند، ئەنجامێک کە بەپێی راپۆرتەکان ٣٥٠ هەزار دەنگى تەزویرى پارتى و یەکێتى تێدایە.

شەوی ڕابردووش لە کاتی ڕاگەیاندنی ئەنجامەکان هەر چوار ئەندامەکەی بزووتنەوەی گۆڕان و کۆمەڵی ئیسلامی و یەکگرتووی ئیسلامی کوردستان لە کۆمسیۆن، بەیاننامەیەکی ناڕازییان دژی راگەیاندنی ئەنجامی هەڵبژاردنی پەرلەمانی کوردستان بڵاوکردەوە ڕایانگەیاند، ئەنجامەکانی هەڵبژاردن کۆتایی نین و پڕن لە کەموکورتی و ناتەواویی لەسەرتاسەری هەرێمی کوردستان.


‌‌‌
10/21/2018 10:33:36 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ