هەمەڕەنگ

ژنانى ژاپۆن لەهەموو ژنانى ترى جیهان زیاتر دەژین



بزاڤــ : کـاوە حەسەن

لەئێستادا بەهۆى گرتبەرى چەندین رێگە بۆ خۆشگوزەرانى و تەندروستى باش بۆ هاوڵاتیان، لەسەر ئاستى جیهان و بەتایبەتى لەوڵاتە پێشکەوتووەکاندا، رێژەى ناوەندى تەمەنى مرۆڤ  بەرزبونەوەى بەخۆیەوە بینیووە، پسپۆڕان بەردەوامن لەسەر توێژینەوەکانیان تاکو تەمەنى مرۆڤ زۆر لەوەى ىئێستا درێژتر بکەن بەشێوەیەک تەمەنى مرۆڤ بگەیەننە سەروو سەد ساڵ، وەکو خۆشیان ئاماژەى پێدەکەن ئەوە کارێکى گران نییە تەنها پێویستى بەگرتنەبەرى چەند رێوشوێن و ڕێگەیەکى زانستى و تەندروستى پێشکەوتوو گونجاوە، لەسەروو هەموشیانەوە بەکارنەهێنانى خوێ و شەکرو چەورى. 

بەپێى راپۆرتێکى کەناڵى روسیا ئەلیەوم ژنانى وڵاتى ژاپۆن لەتەواوى ژنانى ترى جیهان زیاتر دەژین و لەپلەى یەکەمدا دێن کە ناوەندى تەمەنیان 87 ساڵە، ئەو کەناڵە ناوى (دە) وڵاتى بڵاوکردۆتەوە کە تیایاندا ژنان زیاتر لە ژنانى وڵاتانى تر دەژیین و لەناوەندى تەمەندا لەسەر ئاستى ژنان لەپێشەوەن.

ئاشکراشکراوە ئیسپانیا لەسەر ئاستى جیهان لەپلەى دووەمدا دێت و ناوەندى تەمەنى ژنانى ئەو وڵاتە  85،1  ساڵە، هەروەکو ناوەندى تەمەنى ژنانى سویسراو سەنگاپورەش 85 ساڵەو لەپلەى سێیەم و چوارەمدا دێن.

ئیتالیاش لەپلەى پێنجەمدا دێت کەناوەندى تەمەنى ژنان تیایدا 85 ساڵە.

ژنانى فەرەنساش تەمەنێکى باش دەژیین و لەپلەى شەشەمدا دێن و ناوەندى تەمەنیان 84،9 ساڵە، هاوکات ئوسترالیاو کۆریاى باشوور بەپلەى حەوتەم هەشتەم دێن کەتیایاندا ناوەندى تەمەنى ژنان 84،6 ساڵە.

لەپلەى نۆیەمیشدا لۆکسمبۆرگ دێت کەناوەندى تەمەنى ژنان تیایدا 84،1 ساڵەو پلەى دەیەمیش لەسەر ئاستى وڵاتانى جیهان پرتوگالە کەناوەندى تەمەنى ژنان 84 ساڵە.

ئەمە لەکاتێکدا ناوەندى تەمەنى مرۆڤ بەتایبەتى ژنان لەوڵاتانى دواکەوتوو کەمتر لە 60 ساڵە.

سەرچاوە: المغرب الیوم


‌‌‌
10/19/2018 10:24:29 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ