هەواڵ

لە کەلار دەستگیرا بەسەر ٢٠ تەن تەماتەی خراپ و برێک جگەری بەسەرچوو


بزاڤــ:

راگەیاندنی قایمقامی قەزای کەلار ڕایگەیاند، بەیانی ئەمڕۆ ١٦ی تشرینی یەکەم لە عەلوەی کەلار، دەست گیراوە بەسەر ٢٠ تەن تەماتەی خراپ و برێک جگەری بەستووی بەسەرچوو.

راگەیاندنی قایمقامی قەزای کەلار لە ڕاگەیاندراوێکدا کە وێنەیەکی بۆ بزاڤـ،  نێردراوە ئاماژەی بەوە کردووە، له‌ نێو عه‌لوه‌ى كه‌لار لیژنه‌كانیان ده‌ستیانگرتووە به‌سه‌ر ٢٠ تەن ته‌ماته‌ى خراپدا کە خاوەنەکەی ویستویەتی لە بازاردا ساغی بکاتەوە.

ئەوەشی خستوەتەڕوو، له‌ ژێره‌وه‌ی بارە تەماتە خراپەکەدا دەستگیراوە بەسەر بڕى ٥١٨ كیلۆ جگه‌رى مریشكی بەستووی  به‌سه‌رچووه‌.

ئەوەشیان باسکردووە، له‌لایه‌ن لیژنه‌كانه‌وه‌ هه‌موو ئه‌و ته‌ماته‌ و جگه‌رى به‌ستووه‌ له‌ نێو براون و به‌ بڕیارى قایمقامی كه‌لاریش خاوەنەکانی بارەکە هه‌ریه‌كه ‌و به‌ بڕى ٥٠٠ هه‌زار دینار غه‌رامه‌كران و ڕووبه‌رووى یاساش ده‌كرێنه‌وه‌.


‌‌‌
10/16/2018 1:48:26 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ