هەواڵ

پۆلیس: مووچەی چوار قوتابخانە و باخچەیەکی ساوایانی خورماتوو دزرا


بزاڤــ:

ووتەبێژی پۆلیسی گەرمیان رایگەیاند "چوار چەکدار مووچەی پێنج قوتابخانە و باخچەیەکی ساوایانی خوێندنگە کوردییەکانی خورماتوویان بردووە.

رائیدی مافپەروەر عەلی جەمال قدووری، ووتەبێژی پۆلیسی گەرمیان راگەیاند : " ئێوارەی ئەمڕۆ سێشەممە لە نێوان شارۆچکەی زنانە بۆ خورماتوو، مووچەی پێنج قوتابخانە و باخچەیەکی ساوایان دزراوە، کە مووچەی خوێندنی کوردی خورماتوو بووە.

ووتیشی : "چوار چەکداری دەمامکدار بە ئۆتۆمبێل رێگەیان لە ئۆتۆمبێلێکی دیکە گرتووە کە چوار مامۆستا بوون و وەکو لیژنەی مووچەی ھەرێمی کوردستان مووچەی قوتابخانە کوردییەکانی خورماتوویان پێبووە و بۆ مامۆستاکانیان دەبرد.

ڕاشیگەیاندووە:" بەپێی ووتەی ئەو لیژنەیەی پارەکەیان لێسەندراوە، پارەکەی نزیکەی 100 ملیۆن دینار بووە.

 ئاماژەی بەوەش کرد، چەکدارەکان نەناسراوبوونە و بە چەک ھێرشیان کردووەتە سەر مامۆستاکان و هەموو پارەکەیان بردووە، تیمەکانی پۆلیس و بەڵگەی تاوان دەستیان بە لێکۆڵینەوە کردووە.


‌‌‌
10/10/2018 12:38:00 AM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ