هەواڵ

کۆمسیۆن ئەنجامی بەرایی ٨٥% هەڵبژاردنی پەرلەمانی کوردستانی ڕاگەیاند


بزاڤـــ: 

ئێوارەی ئەمڕۆ کۆمسیۆنی باڵای هەڵبژاردن و ڕاپرسی هەرێمی کوردستان لە ٨٥%ی ئەنجامی بەرایی هەڵبژاردنی پەرلەمانی کوردستانی ڕاگەیاند.

شیروان زرار وتەبێژی کۆمسیۆنی باڵای هەڵبژاردن و راپرسی هەرێمی کوردستان لە کۆنفڕانسێکی ڕۆژنامەوانیدا کاتژمێر ٧ی ئێوارەی ئەمڕۆ ئەنجامی بەرایی هەڵبژاردنی پەرلەمانی کوردستانی ڕاگەیاند، کە لە ڕۆژی ٣٠ ئەیلولی ڕابردوودا بەڕێوەچوو.

بە گویرەی ئەو ئەنجامە بەراییانەی کۆمسیۆن یەکێتی نشتیمانی کوردستان  ٢٧٨ هەزار و ٥٧٥ دەنگی بە دەستهێناوە.

جوڵانەوەی نەوەی نوێ ١١٣ هەزار و ٢٩٧ دەنگی هەڵبژاردنی پەرلەمانی کوردستانی بە دەستهێناوە.

هەر بە گوێرەی ئەو ئەنجامەی کە کۆمسیۆنی هەرێمی کوردستان ڕایگەیاندووە، بزوتنەوەی گۆڕان، ١٦٤ هەزار و  ٣٣٦ دەنگی بە دەستهێناوە.

 پارتی  دیموکراتی کوردستان ٥٩٥ هەزار و ٩٩٢ دەنگی بە دەستهێناوە.

هەر بەگوێرەی ئەنجامە بەراییەکان کۆمەڵی ئێسلامی لە کوردستان، ٩٤ هەزار و ٩٩٢ دەنگی بە دەستهێناوە.

 هاوپەیمانی بەرەو ئیسلاح لە هەڵبژاردنی پەرلەمانی کوردستاندا  ٦٩ هەزار و ٤٧٧ دەنگی بە دەستهێناوە.

لیستی سەردەم  لەم هەڵبژاردنەدا ١٣ هەزار و ٧٠٨ دەنگی بە دەستهێناوە.


‌‌‌
10/4/2018 7:33:00 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ