هەواڵ

وەزیری ئەوقاف هۆشیاری دەدات بەمامۆستایانی ئاینی


بزاڤ :


وەزیری ئەوقاف و کاروباری ئاینیی هەرێمی کوردستان بەوەکالەت ڕایگەیاند، ڕێگە نادەن لەڕووی سیاسییەوە مامۆستایانی ئاینیی دەستوەردەنە هەڵبژاردنەکان و بانگەشە بۆ حزب و لایەنێکی دیارکراو بکەن.

لە کۆنفرانسێکی ڕۆژنامەوانی هاوبەشی نێوان کۆمسیۆنی باڵای سەربەخۆی هەڵبژاردن و ڕاپرسی و وەزارەتی ئەوقافی هەرێم پشتیوان سادق ڕایگەیاند، "ھەموو حزبێك بەشی قەبارەی خۆی كێشە و كەمووكوڕی ھەیە بۆيە ڕێگە بە ھيچ مامۆستايەكی ئاينیی نادەين لە مینبەری مزگەوتەکانەوە حزبایەتی بکات".

ئاماژەی بەوەش کرد، هاوڵاتیانی ئازادن لەوەی کە دەنگ بە چ حزب و لایەنێک دەدەن و پێویستیشە مامۆستایانی ئاینیی پشتیوان و هاندەری هاوڵاتیان بن بۆ بەشداریکردن لە هەڵبژاردنەکان.

بڕیارە ٣٠ ئەیلولی داهاتوو هەڵبژاردنی پەرلەمان لە هەرێمی کوردستان بەڕێوەبچێت.


‌‌‌
8/9/2018 12:04:21 PM
Print Friendly and PDF