هەواڵ

بومەلەرزەیەکی بەهێز لە هەرێم ڕوویدا


بزاڤ :


بومەلەرزەیەکی بەهێز  بە پلەی ٥.٩ بە پێوەری ڕێختەر سنورەکانی باشور و ڕۆژهەڵاتی کوردستانی هەژاند.


بەپێی زانیارییەکان بومەلەرزەکە ٥.٩ پلە بووە بە پێوەری ڕێختەر و چەقەکەشی ناوچەی تازاوای سەربە شاری سەلاسی باوەجانی بووە لە پارێزگای کرماشانی ڕۆژهەڵاتی کوردستان.


هاوکات بومەلەرزەکە بە قوڵایی ١٠ کیلۆمەتر و بە دووری ٣٦ کیلۆمەتر لە سەرپێل زەهاوی ڕۆژهەڵاتی کوردستانەوە، بە دووری ٧٦ کیلۆمەتر لە ڕۆژئاوای کرماشانەوە و ٢١١ کیلۆمەتر لە باکوری ڕۆژهەڵاتی بەغداوە ڕوویداوە.


بومەلەرزەکە زیاتر لە ١٠ چرکەی خایاند و زۆرینەی هاوڵاتیان لە ڕۆژهەڵات و هەرێمی کوردستان هەستیان پێکرد.


پیرحسێن کولیوەند سەرپەرشتیاری فریاگوزاری ئێران بە ئاژانسی ئیلنای ئێرانی ڕاگەیاند، تا ئێستا سێ کەس لە جوانڕۆ ڕەوانەی نەخۆشخانە کراون.


وتیشی، ١٠ تیمی لێکۆڵەوەر و چەندین هێلیکۆپتەری فریاگوزارییان ڕەوانەی شوێنی بومەلەرزەکە کردووە.


ئەوەش لە کاتێکدایە ١٢ی تشرینی دووەمی ساڵی ڕابردوو بومەلەرزەیەک بە گوڕی ٧.٣ پلە بە پێوەری ڕیختەر سنورەکانی باشور و ڕۆژهەڵاتی کوردستانی هەژاند و بەهۆی ئەوەی چەقی بومەلەرزەکە ناوچەی ئەزگلەی سەر بە پارێزگای کرماشان بوو، زۆرترین زیانی گیانی و مادی و بەر ئەو ناوچەیە کەوت. 



‌‌‌
7/22/2018 2:56:13 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ