هەواڵ

​سەفین دزەیی: پێشنیازمان کردووە هەولێر و بەغدا و هاوپەیمانان پێکەوە ناوچە جێناکۆکەکان بەڕێوەبەرن


بزاڤ:

وته‌بێژی حكومه‌تی هه‌رێمی کوردستان ڕایگەیاند، پێشنیازیان کردووە هەولێر و بەغدا و هاوپەیمانان پێکەوە ناوچە جێناکۆکەکان بەڕێوەبەرن.

سه‌فین دزه‌یی بە میدیاکانی راگه‌یاندووە، پێشنیازەکە بۆ ئەوەیە ئەو بۆشاییانه‌ى له‌دوای رووداوه‌كانی ١٦ی ئۆكتۆبه‌ره‌وه لەو ناوچانە دروستبووە‌ پڕى بكه‌نه‌وه‌.

سه‌فین دزه‌یی ئاماژەی بۆ ئەوەشکردووە، ‌بۆشایی ئه‌منى له‌نێوان هێزی پێشمه‌رگه ‌و سوپای عێراق دروست بووه ‌و داعشیش سودی له‌و بۆشاییانه‌ وه‌رگرتووه‌.

ئەمەش لە کاتێکدایە لە ماوەى ڕابردوو لە دواى کشانەوەى هێزەکانى پێشمەرگە لە ناوچە جێناکۆکەکان چەند گروپێکى داعش لەو ناوچانە دەستیان بە چالاکی چەکداری کردووەتەوە و  تا ئێستا دەیان لە هێزە ئەمنییەکانى عێراق و هاوڵاتیان کوژراون.


‌‌‌
7/22/2018 2:52:20 PM
Print Friendly and PDF