هەواڵ

تاران.. خۆپیشاندەران داوای بەجێهێشتنی سوریا دەكەن


بزاڤـ:

دوای دابەزینی نرخی دراوی ئێرانی بەشێوەیەكی بەرچاو، لەتارانی پایتەختی ئێران خۆپیشاندانێك بەڕێوەچو و تێیدا خۆپیشاندەران داوا لە حكومەتی وڵاتەكەیان كرد واز لە سوریا بهێنێت و گرنگی بە ئابوری وڵات بدات.

ماڵپەڕی "روسیا ئەلیەوم"ی روسی بڵاویكردۆتەوە، لەبەردەم بازاڕی ئامێرە ئەلیكترۆنیەكان لەشاری تاران، ژمارەیەك لە هاووڵاتیان خۆپیشاندانێكیان رێكخست و تێیدا چەندین دروشمیان بەرزكردۆتەوە لە دیارترینیان "سوریا جێبهێڵە"یە".

خۆپیشاندانەكە بەهۆی دابەزینی نرخی دراوی ئێرانی بەرانبەر دراوە جیهانییەكان بوە، كە بەشێوەیەكی زۆر بەرچاو دابەزیوەو داواش دەكرێت حكومەتی تاران لەبری گرنگیدان بە سوریا، گرنگی بە ئابوری وڵات بدات".

لەو چوارچێوەیەدا بەرپرسانی ئێران سەردانی خۆپیشاندەرانیان كردوە و بارودۆخ گەڕاوەتەوە دۆخی ئاسایی و رایانگەیاندوە، حكومەت هەوڵی دابینكردنی دراوی بیانی دەدات بۆ ئەوەی سەقامگیری بگەڕێتەوە بازاڕەكان.


‌‌‌
6/25/2018 9:54:21 AM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ