هەواڵ

پۆلیسی سلێمانی: بتڵی غاز بە هاوڵاتییەكدا تەقیەوە و گیانی لەدەستدا


بزاڤ :

پۆلسی سلێمانی ڕایگەیاند، بەیانی ئەمڕۆ لە ئەنجامی تەقینەوەی بتڵی غازدا هاوڵاتییەك گیانی لەدەستدا و كەسێكیش بریندار بوو.


پۆلیسی سلێمانی لە ڕاگەیاندراوێکدا ئاماژەی بە ئەوە کرد، بەیانی ئەمڕۆ ٢١/٦/٢٠١٨ هاوڵاتییەک لە کاتی تێكردنەوەی غازدا بتڵێک پێیدا تەقیوەتەوە و گیانی لەدەستداوە.


ئەوەشی ڕاگەیاند، دوای گەیشتنی هێزەكانی پۆلیس تەرمی هاوڵاتییەكە ڕەوانەی پزیشكی دادوەری كرا و بریندارەكەش ڕەوانەی نەخۆشخانە كرا .


ڕونیشکراوەتەوە، هاوڵاتییەکە ناوی ( نەژاد كەریم مەحمود )ە، ٣٠ ساڵ تەمەنێتی و دانیشتووی قەزای سەیدسادقە،  لە ئێستاشدا لەلایەن بنكەی پۆلیسی حەسارەوە پەڕاوی لێكۆڵینەوە بۆ ڕوداوەكە كراوەتەوە.



‌‌‌
6/21/2018 1:24:17 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ