هەواڵ

دادگاى فیدراڵى پشتگیرى خۆى بۆ هەموارى سێیەمى یاساى هەڵبژاردنەکان ڕاگەیاند


بزاڤ :


دادگاى فیدراڵى پشتگیرى خۆى بۆ هەموارى سێیەمى یاساى هەڵبژاردنەکان دەربڕی و داواکاری هەڵوەشاندنەوەی دەنگدانی دەرەوە و ئاوارەکان و هەرێمی کوردستانی ڕەتکردەوە.

مەدحەت محمود سەرۆکی دادگای فیدراڵی لە کۆنگرەیەکی رۆژنامەوانیدا ڕایگەیاند، دانیشتنی پەرلەمانی عێراق کە لە ٦ی حوزەیراندا ئەنجامدرا دەستورییە و ژماردنەوە و جیاکردنەوەى دەستیى دەنگەکان کارێکى دروستە.

ئاماژەی بەوەش کرد، هەڵوەشاندنەوەی دەنگدانی دەرەوە و ئاوارەکان بەهەدەردانی دەنگی دەنگدەرانە.

ئەوەشی ڕاگەیاند، بریارەکانی دادگای فیدراڵی ئیلزامیە، پێویستە هەموو دەسەڵاتەکان پێوەی پاپەندبن.

هاوکات ڕۆژی ١٢ی مانگی ئایاری ڕابردوو هەڵبژاردنی پەرلەمانی عێراق بەڕێوەچوو، بەڵام دوای ناڕەزایی لایەنەکان لێکەوتەوە.

دواتر پەرلەمانی عێراق لە دانیشتنی نائاسایی خۆیدا لە  شەشی ئەم مانگە، یاسای هەڵبژاردنی هەموارکردەوە و بڕیاریدا بە ژماردنەوەی دەستیی تەواوی دەنگەکانی هەڵبژاردنی پەرلەمان و هەڵوەشاندنەوەی دەنگدانی دەرەوە و دەنگدانی تایبەتی هەرێمی کوردستان و دەنگدانی مەرجداری ئاوارەکانی عێراق.


‌‌‌
6/21/2018 11:24:39 AM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ