هەواڵ

بانگەشەی هەدەپە بۆ هەڵبژاردنەکانی تورکیا لە ئامەد


بزاڤ :


لە شاری ئامەدی  باکوری کوردستان بانگەشەی هەدەپە بۆ هەڵبژاردنەکانی پەرلەمان بەڕێوەچوو و هەزاران لایەنگر بەشدارییان تێدا کرد.

ماڵپەڕی فورات نیوز بڵاویکردەوە، بانگەشەکە لە گۆڕەپانى ستاسیۆندا دەستیپێکرد و تیایدا ئاڵا و وێنەى جۆراجۆری هەدەپە و لافیتە و پۆستەرەکانی "ژنان فاشیزم تێکدەشکێنن"، "ژن، ژیان، ئازادی"، "ناونیشانى ئازادی و یەکسانیمان، هەدەپەیە"، "دەنگى ژنان بۆ ئازادییە" و "ئێمە رێگا بە فاشیزم نادەین" رازێنرابوونەوە و ئەو دروشمانە بەرزکرابوونەوە.

هاوکات ژمارەیەک لە لایەنگران و بەشداربووانی بانگەشەکە چەندین دروشمیان بۆ دڵسۆزى و خۆشەویستیى خۆیان بۆ عەبدوڵا ئۆجەلان رێبەرى زیندانیکراوی پەکەکە لەگەڵ دروشمى "بە بەرخۆدانەکەمان سەردەکەوین" دەوتەوە.

وابڕیارە ٢٤ی حوزەیران هاوڵاتیانی تورکیا لەسەرانسەری ئەو وڵاتە بۆ دیاریکردنی سەرۆک کۆمار و ئەندامانی ٢٧مین خولی پەرلەمان بچنە سەر سندووقەکانی دەنگدان، سەڵاحەدین دەمیرتاش هاوسەرۆکی زیندانیکراوی هەدەپە کاندیدە بۆ پۆستی سەرۆک کۆماری ئەو وڵاتە.


‌‌‌
6/21/2018 8:29:21 AM
Print Friendly and PDF
زۆرترین بینراو