هەواڵ

خاڵە سنورییەکانی نێوان ئێران و هەرێم دادەخرێن



بزاڤ :

باڵیۆزخانەی كۆماری ئیسلامیی ئێران ڕایگەیاند، لە ڕۆژی ١٢ی ئایار لەکاتی بەڕێوەچوونی هەڵبژاردنی پەرلەمانی عێراق  هەموو خاڵە هاوبەشەكانی نێوان ئێران و عێراق دادەخرێن
.

بەپێی ڕاگەیەندراوێكی بەشی عێراق و هەرێمی كوردستان، باڵیۆزخانەی كۆماری ئیسلامیی ئێران ئاماژە بەوە دەکات، ڕۆژی ١٢ی ئایار هەموو مەرزە هاوبەشەكانی نێوان ئێران و عێراق داخراو دەبن ئەوەش بەهۆی بەڕێوەچوونی هەڵبژاردنی پەرلەمانی عێراقەوە.

هەر لە ڕاگەیەندراوەکەدا ئەوەش هاتووە، لە كاتژمێر ١٢ی شەوی ڕۆژی ١١ی ئایارەوە تاوەكو كاتژمێر ١٢ی شەوی ١٢ی ئایار هەموو مەرزە هاوبەشەكانی نێوان ئێران و عێراق داخراو دەبن و هاووڵاتییان و گەشتیاران ناتوانن لەو ڕۆژەدا سەفەر بكەن.

لە ڕاگەیەندراوەكەی باڵیۆزخانەكەدا باس لەوەش کراوە، ڕۆژی ١٢ی ئایار هەموو فەرمانگە دەوڵەتییەكانی عێراق پشوو دەبن و داوا لە هاووڵاتییانیش كراوە سەفەرەكانیان لەو ڕۆژەدا یان دوابخەن یان پێشیبخەن چونكە لەو ڕۆژەدا بە هیچ شێوەیەک هاتوچۆ لە سنوورە هاوبەشەكانی نێوان ئێران و عێراق ناكرێت.

هاوکات وابڕیارە ڕۆژی شەممەی داهاتوو هەڵبژاردنی پەرلەمانی عێراق بەڕێوەبچێت بۆ دیاریکردنی خولێکی نوێی پەرلەمان و کۆماری ئیسلامی ئێرانیش لەکاتی بەڕێوەچوونی هەڵبژاردنەکان لە عێراق خاڵە سنوریەکانی لەگەڵ هەرێمی کوردستان و عێراق دادەخات.



‌‌‌
5/7/2018 4:13:41 PM
Print Friendly and PDF