هەواڵ

بیست وپێنج ڕێكخرا وكۆمەڵە پەیامێك ئاراستەی پەرلەمانی كوردستان دەكەن


بزاڤ:سیروان برادۆستی

رێكخراوی وار بۆ پاراستنی ژینگە و رێكخراوەكانی سروشتی كوردستنان و ۲٥ تۆرو رێكخراوی تایبەت بە ژینگە  لەڕۆژی ژینگەدا بانگەواز  ئاراستەی نوسینگەی سۆرانی پەرلەمانی كوردستان كرا بەتایبەتی لیژنەی تەندروستی  و ژینگەی كوردستان 

ئەمە دەقی بانگەوازەكەیە رێكخراوەكان سەر ئاستی كوردستان. "تاك " پەرلەمان "حكومەت.میدیا .كەرتی تایبەت 
پرۆسەی تێكدان و شێواندنی ژینگە لەباشوری كوردستان, بە جیاوازییەكی گەورە پێش پرۆسەی پاراستن و گەشەپێدان كەوتوە, ئەمەش زەنگێكی زۆر مەترسیدارە, هۆكارەكانی دەگەڕێنەوە بۆ"دەرهێنان و گواستنەوەی نەوت, تێكەڵاوبونی ئاوەڕۆكان, نەبونی سیستەمی دوبارە بەكارهێنانەوەی خاشاك, زۆری ژمارەی ئۆتۆمبێل, كارگەكان, سوتان و لەناوبردنی درەخت و ڕووبەرە سەوزاییەكان, هەڵكەندنی بیری ئاو, كوشتن و لەناوبردنی ئاژەڵ و باڵندەكان, بەفیڕۆدانی ئاو, دروستكردنی بەنداو لەسەر سەرچاوە ئاوییەكان لەلایەن وڵاتانی دراوسێ‌, سود وەرنەگرتن لە وزەی خاوێن" لە داهاتویەكی نزیكدا كاریگەریی ئەم هۆكارانە دەردەكەوێت و تاكەكانی كۆمەڵگا بە ژیانیان باجی ئەم پرۆسە هەستیارەدەدەن.

هەروەها ژینگە و سروشتی كوردستان, تاك نابەرپرسانە مامەڵەدەكات, یاسادان و چاودێری پەكخراوە, حكومەت خۆی دەستدرێژی دەكات, كەرتی تایبەت دەرفەتی تەواوی بۆ ڕەخسێنراوە كە سڵ نەكاتەوە لە شێواندن, میدیا بێ‌ باكە. بەربەست و ئاستەنگەكانی بەردەم ڕێكخراو و تۆڕ و پارێزەرانی ژینگەش زۆرن.
داوادەكەین دەستدرێژییەكان بۆ سەر سروشت و ژینگە ڕابگرن, داوای سەروەری یاسا و گەڕانەوە بۆ پەروەردەكردنی منداڵانی قۆناغی باخچەی ساوایان دەكەین.
ئێمەش لە خەبات و شۆڕشی سەوز بەردەوام دەبین, ناوەستین, بەباوەڕی تەواوە تێدەكۆشین, ڕوبەڕوی تەواوی ئاستەنگ و بەربەستەكان دەبینەوە, یەك بە یەك تێكیان دەشكێنین, دڵنیایی دەدەین كە دەبێت گۆڕانكاری گەورە ڕوبدات, بە ئاراستەی پاراستن و چاككردنی ژینگە.

تۆڕ و كۆمەڵە و سەنتەر و ڕێكخراوە ژینگەییەكان:
1- ڕێكخراوی وار بۆ پاراستنی ژینگە.
2- ڕێكخراوی سروشتی كوردستان.
3- تۆڕی زەوی – ماڵمانە.
4- ڕێكخراوی هاوڕێیانی سروشت.
5- ڕێكخراوی هۆشیاری ژینگەپارێزی قەڵادزێ‌.
6- ڕێكخراوی ژینگەدۆستانی شارەزوور.
7- ڕێكخراوی پارێزەرانی ئاوی كوردستان و عێراق.
8- ڕێكخراوی ئایندە بۆ پاراستنی ژینگە.
9- ڕایەڵەی ژینگەپارێزی قەندیل.
10- ڕێكخراوی نیان بۆ پاراستنی ژینگە.
11- ڕێكخراوی سیدرا بۆ ژینگەیەكی نمونەیی.
12- ڕێكخراوی ملەكەوە بۆ پاراستنی ژینگە.
13- سەنتەری ژینگەی شەقڵاوە.
14- ڕێكخراوی پارێزەرانی ژینگە – زانكۆی ئەمریكی.
15- كۆمەڵەی كوردستانێكی سەوز.
16- ڕێكخراوی نەسیم بۆ پارێزگاری ژینگە.
17- ڕێكخراوی ژینگەپارێزی بازیان.
18- ڕێكخراوی ئایندەی سەوز.
19- ڕێكخراوی سروشتی عێراق.
20- ڕێكخراوی ژینگەپارێزی كفری.
21- ڕێكخراوا مەنگ بۆ ژینگەهەك ساخلەم و گەشەپێدانا جڤاكی – زاخۆ.
22- ڕێكخراوی پەرەپێدانی ژینگە.
23- كۆمەڵەی سەوزی هەڵگورد.
24-تۆڕی ڕێكخراوەژینگەییەكانی گەرمیان.
25-ڕێكخراوی ژینگەدۆستانی گەرمیان.



‌‌‌
4/16/2018 6:37:08 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ