هەواڵ

مەلا بەختیار: ناتوانم فاڵ بگرمەوە


بزاڤـ: نیکی محمد
سبابەرەت بەوتەکانی فوئاد حسێن لەبارەی کەم بونەوەی کورسیەکانی کورد لە پەرلەمانی بەغداد، مەلا بەختیار رونکردنەوەی داوەو دشڵێت من ناتوانم فاڵ بگرمەوە.

سەبارەت بەوەی فوئاد حسێن سەرۆکی دیوانی سەرۆکایەتی ھەرێم لەئەمەریکا رایگەیاند کورد لە ھەڵبژاردنی پەرلەمانی عیراق ١٠ کورسی لەدەست دەدات، مەلا بەختیار، بەرپرسی دەستەی کارگێڕی مەکتەبی سیاسی یەکێتی لە میانەی بەشدرایکردنی لە ٢١یەمین فیستیڤاڵی بنکەی ئەدەبی و روناکبیری گەلاوێژ، سەبارەت بەو پێشبینییەی فوئاد حسێن بە رۆژنامەنووسانی راگەیاند "ھیوادارم پێشبینییەکەی نەیەتەدی"، بۆ پێشبینی خۆیشیان سەبارەت بە ژمارەی کورسییەکانی داھاتووی کورد دەڵێت "ناتوانم فاڵ بگرم".

دەربارەی کەمبوونەوەی کورسییەکانی کوردیش لە ناوچە ناکۆکەکان، مەلا بەختیار روونیکردەوە "بێگومان رووداوەکان کاریگەرییان ھەبووە ناتوانین نکۆڵی بکەین، بەڵام بەو شێوەیەش نییە کە دوژمنانی کورد تەپڵمان بۆ لێدەدەن، بەپێچەوانەوە ئەگەر ئێستا ویژدان ھەبێت، عەرەب و تورکمان و مەسیحی و کاکەییەکان تێگەیشتوون کە نەبوونی دەسەڵاتی کوردستانی و پێشمەرگە و نەبوونی ئازادی، چ کاریگەرییەکی لەسەر بازاڕ و پەیوەندی کۆمەڵایەتی و پێکھاتەکان و کلتور ھەبووە، ئێستا دەبێت بۆ پێکھاتەکان کەرکوک دەربکەوێت کە لە چەند ساڵی رابردوودا کەرکوک چەند جوان بەڕێوە براوە و لەم ماوەیەشدا چی بەسەر ھێنراوە".

‌‌‌
4/5/2018 8:29:33 PM
Print Friendly and PDF