هەواڵ

لە ڕوداوێكی تەقەكردندا هاوڵاتییەك گیانی لەدەستدا و دووانیش بریندار بوون



بزاڤ پرێس

بەڕێوەبەرایەتی پۆلیسی سلێمانی ڕایگەیاند ئەمڕۆ 10 ی كانوونی دووەمی 2018 ، لە ناحیەی گەرمكی سەر بە قەزای پێنجوێن لە ئەنجامی ڕوداوێكی تەقەكردندا لەسەر ڕێگای گوندی میشاو هاوڵاتییەك گیانی لەدەستدا و دوو هاوڵاتی تریش بریندار بوون.

پۆلیسی سلێمانی ئاشکراشی کرد دوای گەیشتنی هێزەكانی پۆلیس بریندارەكان ڕەوانەی نەخۆشخانەی فریاكەوتنی سلێمانی كران و تەرمی كوژراوەكەش گەیەنرایە پەیمانگای پزیشكی دادوەری لە شاری سلێمانی .

پۆلیسی سلێمانی ئاماژەی بەوەش کرد کە لە ئێستادا لە لایەن هێزەكانی پۆلیسەوە پەڕاوی لێكۆڵینەوە بۆ ڕوداوەكە كراوەتەوەو بە فەرمانی بەڕێز دادوەر بڕیاری دەستگیر كردن بۆ تۆمەتباران دەركراوە .

وتیشی هاوڵاتی (ت،ج،س ) تەمەنی 20 ساڵەو گیانی لەدەستداوە ،بە پێی زانیارییەكان قوربانیانی ئەم ڕوداوە دوو كوڕ و باوكێكن .



‌‌‌
1/10/2018 1:57:52 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ