هەواڵ

پـۆلیسـی گــەرمـــیــان پلانی ئەمنی بۆ ڕۆژانی جەژنی قوربان ڕادەگەیەنێت




بزاڤ پرێس ، میلاد جلال

پۆلیسی گەرمیان دەڵێت ، هه رفرۆشیارو دوکاندارێک کەل و پەل و یاری ئاگرینی زیان بەخش بفرۆشێت بەمناڵان دەستگیردەکرێت.


بەڕێوەبەرایەتی پۆلیسی گەرمیان ڕایگەیاند:"بەبۆنەی هاتنی جەژنی قوربانی  پیرۆزەوە  سەرجەم هێزەکانمان  لە سنورەکەدا لە حاڵەتی ئامادەباشیدادەبن و لەسەرجەم شوێنەکانی وەک سەیرانگا و  ناوبازاڕوشوێنەگشتییەکان چاودێری ومەفرەزەی گەڕۆکمان دەبێت بەمەبەستی پاراستی ئاسایشی شاروگەڕەکەکان و چاودێری کردنی شوێنەگشتییەکان و لێپرسینەوەش لەکەسانێک دەکەین کەبەهه ربیانیویەک بێ بیانەوێت ئارامی و ئاسایشی جەژن لە هاوڵاتیان بشێوێنن".


ڕونیشیکردۆتەوە:" هه رفرۆشیارو دوکاندارێک کەل و پەل و یاری ئاگرینی زیان بەخش بفرۆشێت بەمناڵان دەستگیردەکرێت ئەمەش لەپێناوئەوەی خۆشیەکانی جەژنی قوربانی پیرۆز لەهاوڵاتیان تێکنەدرێن".


ئاماژەی بەوەشکرد:"هێزەکانمان  هه ماهه نگی تەواویشیان دەبێت لەگەڵ هێزەکانی ئاسایش و کارمەندانی هاتوچۆ بازگەی کاتیشمان دەبێت ، ئەمەش لەپێناوی فەراهه مکردنی کەشێکی ئارام بۆهاوڵاتیان و ئەو گەشتیارانەی کەڕۆژانی جەژنی قوربانی پیرۆز  ڕوودەکەنە شوێنە گەشتیارییەکانی ناوچەکە".


پۆلیسی گەرمیان جەختیشیکردەوە:" لەناوشاریش لەڕێگەی هێزەکانمانەوە پارێزەری سەروماڵی هاوڵاتیان دەبین ئەمەش بۆئەوەی هاوڵاتیان دڵنیابن لەسەروماڵیان
داواش لەهاوڵاتیانی سنورەکەدەکەین هاوکاری تەواوی هێزەکانمان بکەن ولە هه ردیاردەیەک کەببێتەهۆی زیان بەئارامی ئاسایشی ناوچەکە بگەیەنێت ئاگادارمان بکەنەوە".


‌‌‌
8/30/2017 12:06:22 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ