هەواڵ

شەنزە تەنكەر بەنزینی خراپ داخلی سلێمانی دەکرێت




بزاڤ پرێس - میلاد جلال

 سەرۆكی لیژنەی پیشەسازی و ووزە لە ئەنجومەنی پارێزگای سلێمانی دەڵێت ، ١٦ تەنکەر بانزینی خراپ داخلی سلیمانی کراوە و ، ناوی ئەوانەش ئاشکرا دەکات کە بەرپرسیارن لە ھاتنە ژورەوەی ئەو بانزینە.


غالب محمد ، سەرۆكی لیژنەی پیشەسازی و ووزە لە ئەنجومەنی پارێزگای سلێمانی ، لە ئەکاونتی تایبەتی خۆی لە فەیسبوک نوسیویەتی :"دوای ئەوەی   شەوی ٢٦/٢٧ ڕێگریمان لێكرا لە لایەن ئاسایش  بۆ چونەژووەوە بۆ ناو مەرزی باشماخ  كە بە مەبەست رێگری. ڕێگركردن لە هاتنە ژورەوەی ١٦ تەنكەری بەنزینی كوالیتی  خراپ  لە لایەن كۆمپانیا سمود وەتەن ، ئەمشەو  بە نایاسای  داخلی ناو شاری سلێمانی كرا".


سەبارەت بەو لایەنانەی كە بەرپرسن لە هاتنە ناوەوەی ئەو بەنزینە بۆ نێو پارێزگای سلێمانی دەڵێت"ئەو لایانانەی كە بەرپرسن لە هاتنە ژورەوەی ئەو بەنزینە خراپە ئەمانەی خوارەوەن.

١-بەڕێوبەری بەرێوبەرایەتی نەوت و كانزا سلێمانی، لەبەر خاتری خاتر داران بەدڵی خۆیان رێژەكان و ئیستانداردەكان دەگۆڕن.


٢-بەریوبەری ئاسایشی پێنجوێن كە سەر بە ئاسایشی سلێمانیە ڕێگریان لە ئێمە كرد وەك بەڵی بۆ پاراستنی بەنزینی كوالیتی خراپ هاتوون  نەك بۆ  پاراستنی ژیانی هاوڵاتیان .

٣-ئەنجومەن پارێزگار سلێمانی بەرپرسە چونكە دوو جار  بە نوسراو وەك لیژنەی پشەسازی و ئەندامانی ئەنجومەن داوامان كردووە كە بەریوبەری بەڕێوبەرایەتی نەوت و كانزای سلێمانی بانگێشی ئەنجومەن بكرێت  لە سەر ئەم كارە نایاسایانەی كە دەكرێت بەڵام هەتا ئێستابانگ نەكراوە

٤-بەشێك لە یەكێتی بەرپرسە لە هاتنە ژوورەوەی ئەم بەنزینە چونكە ئەو بەرپرسانە بەپرسی یەكێتین ، یەكێتی  پارێزگاری لەم بەرپرسە نا بەرپرسانە دەكەن و خوێان بێ دەنگ  كردوەە .


‌‌‌
8/28/2017 4:41:59 PM
Print Friendly and PDF