هەواڵ

پشووی جەژنی قوربان ڕاگەیەندرا


بزاڤ پرێس - ژووری هەواڵ


حکومەتى هەرێم  ڕایگەیاند، پشووى جەژنی قوربان لە ڕۆژى ٣١ى ئابەوە دەستپێدەکات  تا ٥ى ئەیلول بەردەوام دەبێت.

سەفین  دزەیی وتەبێژی فەرمی حكومەتی هەرێمی كوردستان  ڕایگەیاند "بە هاووڵاتیانی هەرێمی كوردستان رادەگەیەنین ، پشووی جەژن لە رۆژی پێنج شەممە ٣١ى ئابی ٢٠١٧ دەست پێدەكات و تا رۆژی سێ شەممە ٥ى ئەیلولی ٢٠١٧ بەردەوام دەبێت و رۆژی چوار شەممە  ٦ى ئەیلول  دەوامی فەرمی دەست پێدەكاتەوە".

وتەبێژی  حكومەتی هەرێم  ڕاشیگەیاندووە،  "بەبۆنەی جەژنی قوربانی پیرۆزەوە ، پیرۆزباییەكی گەرم لە خانەوادەی شەهیدان و پێشمەرگە قارەمانەكانی كوردستان و هەموو موسوڵمانانی كوردستان و عێراق و جیهان دەكەین، بەو هیوایەی ئەم جەژنە ببێتە مایەی بەدیهاتنی ئاوات و ویستەكانی گەلی كوردستان و بەرقەراربوونی ئاشتی و ئارامی لە كوردستان و ناوچەكەدا". 

ئەمەش لە کاتێکدایە  پێشتر وەزارەتى حەجى سعودییە ڕایگەیاند، ڕۆژى ٣١ی ئاب ڕۆژى عەرەفە و وەستانی حاجیانە لەسەر کێوی عەرەفە و ڕۆژى دواتریش کە ١ى ئەیلول دەکات یەکەم ڕۆژى جەژنى قوربانە.


‌‌‌
8/27/2017 2:35:58 PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ